आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Police Investigation And Attack On Owaisi Story Find False; UP Assembly Election 2022

ओवेसी हल्ल्यात मोठा खुलासा:हल्लेखोर सचिन आणि ओवेसींचा उमेदवार मित्र, घटनेच्या कथेत आहेत अजून 6 खोट्या गोष्टी

4 महिन्यांपूर्वी
  • कॉपी लिंक

AIMIMचे प्रमुख असदुद्दीन ओवेसी यांच्यावरील हल्ल्याच्या घटनेचे प्रत्येत पदर उकलायला पाहिजे, मात्र पोलिसांकडून हा गुंता अधिकच वाढवला जात आहे. घटनास्थळावरील सीसीटीव्ही फुटेज काही वेगळेच सांगत आहे, ओवेसी यांच्या वक्तव्यातून आणि ट्विटमधून वेगळेच काही समोर येत आहे. त्याचवेळी, 12 तासांनंतर पिलखुआ पोलिस ठाण्यात बनवलेली कथा (दुसरी एफआयआर) दोघांपेक्षाही वेगळी आहे.

तिन्ही कथांचा एकमेकांसोबत जराही संबंध जुळत असल्याचे दिसत नाही. सर्वांच्या गोष्टी या विरोधाभासी आहेत. ओवेसींच्या ट्विटमध्ये एक पिस्तूल घटनास्थळी पडलेली पाहायला मिळाली होती. तर पोलिसांनी रेकॉर्डमध्ये लिहिले की, दोन्ही हल्लेखोरांकडून पिस्तूल जप्त केली आहे. अशा वेळी आता हे प्रकरण कोर्टात येईल तर या संशयाचा फायदा हल्लेखोरांना मिळणार हे नक्की आहे. सध्या या संशयाचा फायदा राजकीय पक्ष उचलण्याचा प्रयत्न करत आहेत. मात्र उत्तर प्रदेशच्या समजदार जनतेला सर्व काही कळते.

काय सांगतात CCTV चे चित्र
शुभमने पहिली गोळी, सचिनने नंतर दुसरी गोळी झाडली. या घटनेचे दोन फुटेज समोर आले आहेत. दोघांच्या म्हणण्यानुसार हल्लेखोर बूथच्या पुढे होते आणि ओवेसींची गाडी मागे. पहिले, शुभम लाल रंगाच्या हुडीमध्ये गोळी झाडताना दिसतो, जो नंतर एका पांढऱ्या कारला धडकताना दिसतो. ही गाडी ओवेसींची नाही. त्यानंतर पांढऱ्या रंगाच्या हुडीमध्ये सचिनने दुसऱ्या वाहनावर गोळ्या झाडल्या. ती ओवेसींची गाडी असू शकते. त्यानंतर दोघे पळून जातात.

काय सांगतात ओवेसींचे जबाब?
बॅरियरपूर्वी फायरिंग झाली, स्फोट झाल्यानंतर काय झाले असे विचारल्यावर यामीन म्हणाला- भाई, हल्ला झाला आहे. पाहिले तर रेड हुडीवाला गोळ्या झाडत होता. यामीनने गाडीला धडक दिली आणि आमची गाडी पुढे वळवली. पांढऱ्या रंगाच्या हुडीतल्या माणसाने आमच्या मागून येणाऱ्या फॉर्च्युनरवर गोळीबार केला. ओवेसी यांनी रात्री 9 वाजता हल्ल्याचे ट्विट केले, रात्री 9.49 वाजता आणखी एका ट्विटमध्ये टोल बूथवर घटनास्थळी एक पिस्तूल टाकण्यात आल्याचे सांगितले. ज्यावर कलावा बांधलेला नव्हता.

पोलिसांचा दुसरा FIR : दोघांनीही एकत्र गोळ्या झाडल्या, दोघांकडून पिस्तूल जब्त केली
यामीनने 3 फेब्रुवारीच्या रात्री 9.35 ला हल्ल्याचा FIR नोंदवला. तपास करणारे अधिकारी अभिनंदर पुंडीर यांनी 12 तासांनंतर सकाळी 9.32 वाजता आपल्याकडून दुसरा FIR (0046) नोंदवला. यानुसार, रात्री 11 वाजता सचिनला पकडले तेव्हा त्यांच्या ताब्यातून कलावा बांधलेली पिस्तुल जब्त केली. नंतर सकाळी 4 वाजता शुभम पकडला गेला तेव्हा त्याने उसाच्या शेतात लपवलेली आपली पिस्तुल जप्त करुन दिली. दोघांनीही एकत्र गोळ्या झाडल्या, सचिनला गोळ्या झाडताना ओवेसींनी पाहिले होते. यामुळे ते खाली वाकले तेव्हा सचिनने खाली फायरिंग केली.

या कहाणीत काही तरी झोल दिसतोय, 6 खोट्या गोष्टी तर स्पष्ट दिसत आहेत

  1. ओवेसी म्हणतात की, हल्ल्याची माहिती त्यांना स्फोटांचा आवाज आणि यामीनने सांगितल्यानंतर झाली. म्हणजेच त्यांनी सचिनला गोळी झाडताना पाहिले नव्हते आणि ते खाली वाकले देखील नव्हते, मात्र पोलिसांनी सांगितलेल्या कथेत त्यांनी सचिनला गोळी झाडताना पाहिले होते.
  2. घटनेच्या रात्री 9.49 वाजता ओवेसी यांनी घटनास्थळ दाखवत एक ट्विट केले, ज्यामध्ये घटनास्थळी एक पिस्तूल पडलेले दिसत आहे, मात्र पोलिसांनी सचिनला रात्री 11 वाजता आणि शुभमला पहाटे 4 वाजता अटक केली आणि दोघांकडून पिस्तूल जप्त केल्याचे सांगितले. त्यामुळे घटनास्थळी दिसणारे पिस्तूल पोलिसांच्या नोंदीतून कसे गायब झाले.
  3. पोलिसांच्या एफआयआरनुसार, सचिनचे फेसबुक पेज देशभक्त सचिन हिंदूच्या नावाने असून, ओवेसी यांच्या हिंदुविरोधी भाषणांमुळेच त्याला ओवेसीची हत्या करायची होती, त्यामुळे सचिन ओवेसींच्या धौलानामधून निवडणूक लढवणाऱ्या आरिफच्या सतत संपर्कात होता. कहाणीनुसार ओवेसींच्या पार्टीचे आरिफ आणि देशभक्त सचिन हिंदू यांच्या मैत्री होती.
  4. यामीनने दाखल केलेल्या ओवेसींवरील हल्ल्याच्या पहिल्या एफआयआरमध्ये त्यांनी घटनेतील साक्षीदारांची नावेही लिहिली आहेत. मात्र पोलिसांच्या दुसऱ्या एफआयआरमध्ये जेव्हा सचिन आणि शुभमची अटक, यासोबतच घटनेसाठी वापरलेले हत्यार जप्त केल्याचे लिहिले आहे, तर कधी रात्र असल्याचे सांगत आणि पहाटे थंडी असल्याचे सांगत स्वतंत्र साक्षीदार न मिळाल्याचे लिहिले जाते.
  5. पोलिसांच्या एफडीआरमध्ये सचिनने 22 जानेवारीला गाझियाबादमध्ये हल्ल्याची योजना आखली होती. घटनेच्या दिवशी तो मेरठ, किठोरच्या सभांनाही गेला होता, पण गर्दी होती त्यामुळे संधी मिळाली नाही. त्याने टोल बूथवरच संधी पाहिली, पण किथोर आणि टोल बूथ दरम्यानच्या 70 किमीमध्ये अशी 3 ठिकाणे आहेत जिथे टोल बूथपेक्षा गाडीचा वेग कमी होतो. तिथे सीसीटीव्ही बसवलेले नसतात आणि लोक देखील हजर नसतात.
  6. सचिनने किती गोळ्या झाडल्या याचाही विरोधाभास आहे. शुभमने एक गोळी झाडली, नंतर गोळी लागली नाही, त्याच्या जवळ 10 गोळ्या होत्या. 9 जब्त करण्यात आल्या आहेत. सचिनकडे 12 गोळ्या होत्या, 7 रिकव्हर केल्या. म्हणजेच त्याने पाच गोळ्या खर्च केल्या. ओवेसींच्या गाडीला 2 गोळ्या लागल्या, इतर 3 कुठे लागल्या? पोलिसांकडे उत्तर नाही.
बातम्या आणखी आहेत...