विजेचा लपंडाव:राष्ट्रपतींच्या भाषणादरम्यान ‘बत्ती गुल’; मुर्मू म्हणाल्या, ‘वीज आपल्यासोबत लपाछपी खेळतेय'

शनिवारी ओडिशाच्या मयूरभंज जिल्ह्यातील बारीपाडा येथे राष्ट्रपती द्रौपदी मुर्मू यांच्या भाषणादरम्यान लाईट बंद झाले. असे असतानाही राष्ट्रपतींनी आपले भाषण सुरूच ठेवले. लाईट गेल्यावरही माईक यंत्रणा काम करत होती. भाषणात मुर्मू म्हणाल्या की, वीज आपल्याशी लपाछपी खेळत आहे. कार्यक्रमात उपस्थित श्रोतेही मुर्मू यांचे भाषण अंधारात ऐकत राहिले.

महाराजा श्री रामचंद्र भांजदेव विद्यापीठाच्या 12व्या दीक्षांत समारंभात राष्ट्रपती बोलत होत्या. 11:56 ते 12:05 या वेळेत कार्यक्रमात वीजपुरवठा खंडित झाला होता. वातानुकूलित यंत्रणाही कार्यरत होती. मुर्मू या मूळच्या ओडिशातील मयूरभंज जिल्ह्यातील रायरंगपूरच्या असून लोक त्यांना या मातीची कन्या म्हणतात.

विद्यापीठाच्या कुलगुरूंनी मागितली माफी

विद्यापीठाचे कुलगुरू संतोष कुमार त्रिपाठी यांनी राष्ट्रपती मुर्मू यांच्या अभिभाषणादरम्यान वीज गेल्या बद्दल माफी मागितली. ते म्हणाले की, ‘या दुर्दैवी घटनेसाठी मी स्वतःला दोषी समजतो. त्याची आम्हाला लाज वाटते. आम्ही या घटनेची निश्चितपणे चौकशी करू आणि या घटनेला जबाबदार असलेल्या व्यक्तींवर कारवाई केली जाईल.’

राज्य सरकारच्या मालकीच्या उद्योग विकास निगम लिमिटेडने या कार्यक्रमासाठी जनरेटरचा पुरवठा केला होता, आम्ही त्यांच्याशी याबद्दल बोलू. टाटा पॉवर, नॉर्थ ओडिशा पॉवर डिस्ट्रिब्युशन लिमिटेडचे सीईओ भास्कर सरकार यांनी सांगितले की, ‘इलेक्ट्रिकल वायरिंगमध्ये काही बिघाड झाल्यामुळे हा प्रकार घडला.’