राष्ट्रपती मुर्मू यांचे सुखोईतून उड्डाण:प्रतिभा पाटील यांच्यानंतर अशी कामगिरी करणाऱ्या जगातील दुसऱ्या महिला राष्ट्रपती

राष्ट्रपती द्रौपदी मुर्मू शनिवारी आसाममधील तेजपूर एअर फोर्स स्टेशनवरून सुखोई 30 MKI फायटर जेटने उड्डाण केले. सुखोई जेटने सकाळी 11.08 वाजता उड्डाण केले. सुमारे 30 मिनिटांनी हे लढाऊ विमान 11:38 वाजता उतरले. मुर्मू यांच्यापूर्वी 2009 मध्ये देशाच्या 12व्या राष्ट्रपती प्रतिभा देवी सिंह पाटील यांनी सुखोईमध्ये उड्डाण केले होते.

प्रतिभा पाटील यांनी सुखोई उडवून दोन विश्वविक्रम केले होते. पहिला- सुखोई उडवणाऱ्या कोणत्याही देशाच्या पहिल्या महिला राष्ट्रपती. दुसरा - कोणत्याही देशातील सर्वात वृद्ध महिला. तेव्हा प्रतिभा पाटील 74 वर्षांच्या होत्या. त्यांचे नाव गिनीज बुकमध्येही नोंदवले गेले आहे.

प्रतिभा पाटील यांच्यापूर्वी डॉ. एपीजे अब्दुल कलाम यांनी राष्ट्रपती असताना 8 जून 2006 रोजी सुखोई उडवले होते. असे करणारे ते देशाचे पहिले राष्ट्रपती होते. त्यांच्या पाठोपाठ प्रतिभाताई पाटील सुखोईने उड्डाण केले. आता असे करणाऱ्या द्रौपदी मुर्मू या तिसऱ्या राष्ट्रपती ठरल्या आहेत.

प्रतिभा पाटील यांनी T 90 टँकची राईड केली होती

25 नोव्हेंबर 2009 रोजी पुण्यातील वायुसेनेच्या लोहेगाव तळावरून प्रतिभा पाटील यांनी विंग कमांडर ए साजन यांच्यासोबत 10,000 फूट उंचीवर सुमारे 800 किलोमीटर प्रति तास वेगाने अर्धा तास उड्डाण केले. सुखोई ३० एमकेआय उड्डाण केल्यानंतर, लष्कराच्या गणवेशात राष्ट्रपती प्रतिभा पाटील यांनी टी-90 लढाऊ रणगाड्यावरही स्वार झाल्या होत्या.

2018 मध्ये निर्मला सीतारामन यांनी सुखोई 30MKI मध्ये उड्डाण केले

निर्मला सीतारामन यांनी 17 जानेवारी 2018 रोजी सुखोई 30MKI मध्ये उड्डाण केले होते. तेव्हा त्या संरक्षण मंत्री होत्या. देशातील सर्वात प्रगत फायटर जेट सुखोई उडवणाऱ्या त्या पहिली महिला ठरल्या. त्यांनी सुखोई 30MKI मध्ये 2100 किमी प्रतितास वेगाने जोधपूर एअरबेसवरून 8 हजार मीटरपेक्षा जास्त अंतर उडवले. त्या जवळपास 45 मिनिटे आकाशात होत्या.