परीक्षेवर संवाद:पंतप्रधान मोदी यांनी “परीक्षा पे चर्चा’ कार्यक्रमात देशभरातील विद्यार्थ्यांशी साधला संवाद म्‍हणाले, आपली अर्धवट स्वप्ने आणि आकांक्षा मुलांवर लादू नका

पंतप्रधान नरेंद्र मोदी यांनी शुक्रवारी “परीक्षा पे चर्चा’ कार्यक्रमात देशभरातील विद्यार्थ्यांशी संवाद साधला. पंतप्रधानांनी मुलांना दडपण न घेण्याचा सल्ला दिला. पंतप्रधानांनी आई-वडील आणि शिक्षकांना सांगितले की, आपली अर्धवट स्वप्ने आणि आकांक्षा मुलांवर लादू नका. त्यांना भविष्याचा निर्णय घेण्याचे स्वातंत्र्य द्या.

तालकटोरा स्टेडियममध्ये आयोजित परीक्षा पे चर्चाच्या ५ व्या भागात मोदींनी विद्यार्थ्यांना सांगितले की, तंत्रज्ञानाचा प्रभावी पद्धतीने वापर केला पाहिजे. ऑनलाइन किंवा ऑफलाइन शिक्षण नव्हे, तर मन भरकटणे ही समस्या आहे. ऑनलाइन शिक्षणाचे ज्ञान ऑफलाइन लागू करावे.