आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Prime Minister Modi Said We Provided More Than 5 Crore Sanitary Pads In One Rupee

लाल किल्ल्यावरुन पहिल्यांदा सॅनिटरी पॅड्सचा उल्लेख:आम्ही एका रुपयात 5 कोटींपेक्षा जास्त सॅनिटरी पॅड्स प्रदान केले आहेत, सरकारला गरीब बहिणी आणि मुलींच्या आरोग्याची काळजी आहे

2 महिन्यांपूर्वी
  • कॉपी लिंक
  • मोदी म्हणाले - महिला शक्तीला जेव्हा-जेव्हा संधी मिळाली, त्यांनी देशाचे नाव मोठे केले
  • ते म्हणाले की, 40 कोटी जनधन खात्यांमधून 22 कोटी खाते महिलांचे आहे

पंतप्रधान नरेंद्र मोदी यांनी लाल किल्ल्यावरून 86 मिनिटांच्या भाषणात महिलांशी संबंधित मुद्यावर 17 मिनिटे भाषण केले. त्यांनी महिला शक्ती, महिलांचे आरोग्य आणि त्यांचे भविष्य याबद्दल सांगितले. मोदी म्हणाले, 'आमच्या सरकारने सहा हजार जनऔषधि केंद्रांमध्ये एका रुपयात पाच कोटींपेक्षा जास्त सॅनिटरी पॅड उपलब्ध करुन दिले आहेत. हा खूप मोठा आकडा आहे. हे सरकार गरीब बहिणी आणि मुलींच्या आरोग्यासाठी सतत चिंता करत असते. 15 ऑगस्टच्या भाषणात पंतप्रधानांनी लाल किल्ल्यावरून केलेल्या भाषणात सॅनिटरी पॅडचा उल्लेख कदाचित प्रथमच केला असेल.

पंतप्रधान म्हणाले, '40 जन धन खात्यामधून 22 कोटी खाते महिलांचे आहेत. 25 कोटी मुद्रा लोनामध्ये 70% लोन महिलांना देण्यात आले. तसेच मुलींच्या लग्नाच्या वयाविषयीही योग्य ते निर्णय घेतले जातील.'

'जेव्हा जेव्हा महिलांना संधी मिळेल तेव्हा त्या नाव उज्वल करतात'

पंतप्रधान म्हणाले, 'भारतात जेव्हा जेव्हा महिलांना संधी असते तेव्हा त्यांनी देशाचे नाव उज्ज्वल केले आहे. देशाला बळकटी दिली आहे. आज देश महिलांना स्वरोजगार आणि नोकरीच्या समान संधी उपलब्ध करुन देण्यास कटिबद्ध आहे. आज भारतातील महिला भूमिगत कोळसा खाणींमध्ये काम करत आहेत. आज माझ्या देशाच्या मुली लढाऊ विमानात उड्डाण करत आहेत आणि उंच आकाशाला स्पर्श करत आहेत. नौदल आणि हवाई दलात महिलांना महत्त्वपूर्ण भूमिकांमध्ये स्थान देण्यात आले आहे.

मुलींना राष्ट्रीय कॅडेट क्रॉप्सचे प्रशिक्षण दिले जाईल

पंतप्रधान मोदी म्हणाले की 173 सीमा आणि किनारपट्टी जिल्ह्यात राष्ट्रीय कॅडेट क्रॉप्सचा विस्तार केला जाईल. या अभियानांतर्गत एक लाख कॅडेट्सचे विशेष प्रशिक्षण घेतील. या कॅडेट्सपैकी एक तृतीयांश मुली असतील.