प्रयागराजमध्ये प्रियंका गांधी:प्रियंका गांधींनी चालवली नाव, त्रिवेणी संगमात केले स्नान; आनंद भवनमध्ये अनाथांसमवेत वेळ घालवला

काँग्रेस महासचिव प्रियंका गांधी वाड्रा आज मौनी अमावस्या उत्सवात कन्या मिरायासमवेत संगम शहर प्रयागराज येथे पोहोचल्या आहेत. त्यांनी त्रिवेणी संगमात स्नान केले. यावेळी प्रियंका संगमावर नाव चावलताना दिसून आल्या. या दरम्यान त्यांनी माध्यमांच्या कोणत्याही प्रश्नाचे उत्तर दिले नाही.

प्रियंका प्रथम नेहरू-गांधी घराण्याचे वडिलोपार्जित घर आनंद भवन येथे गेल्या. येथे त्यांनी पंजोबा आणि माजी पंतप्रधान जवाहरलाल नेहरू यांच्या स्मृतीस्थळावर श्रद्धांजली अपर्ण केली. संगमामध्ये विसर्जन करण्यापूर्वी नेहरूंच्या अस्थी इथेच ठेवल्या होत्या. प्रियंकाने आनंद भवन येथील अनाथ आश्रमात मुलांसमवेत काही क्षण घालवले.

व्हीआयपी ट्रीटमेंट देणार नसल्याचे प्रशासनाने म्हटले होते

प्रियंका गांधींच्या दौऱ्यावर बोलताना प्रयागराजचे IG केपी सिंह म्हणाले होते की, मौनी अमावस्यावर आम्ही कोणालाही VIP ट्रीटमेंट देणार नाही. त्यांच्यासाठी कोणताही प्रोटोकॉल नाही, त्या सामान्य व्यक्तीप्रमाणे येऊ शकतात आणि अनुष्ठानमध्ये सहभाग घेऊ शकतात.