पंजाबमधील कॉलेजच्या भिंतीवर खलिस्तानचे नारे:राहुल गांधींची भारत जोडो यात्रा रोखण्याची धमकी, SFJने घेतली जबाबदारी

पंजाबमध्ये पुन्हा एकदा खलिस्तानच्या समर्थनार्थ भिंतींवर नारे लिहिण्यात आलेत. हे नारे यावेळी श्री मुक्तसर साहिबमधील सरकारी महाविद्यालयाच्या भिंतींवर लिहिण्यात आले. यात खलिस्तान जिंदाबाद व राहुल गांधींची भारत जोडो यात्रेला विरोध करण्याचा तपशील आहे.

कॉलेजच्या भिंतीवर नारे

श्री मुक्तसर साहिबच्या सरकारी कॉलेजच्या भिंतींवर खलिस्तानी समर्थकांनी रात्रीवेळी सर्वत्र नारे लिहिले. खलिस्तान जिंदाबादच्या नाऱ्यांसह माजी पंतप्रधान इंदिरा गांधी व काँग्रेस नेते राहुल गांधींविषयी चुकीच्या शब्दांचाही वापर करण्यात आला आहे. सद्यस्थितीत प्रशासन हे नारे भिंतीवरून मिटवून टाकण्याचा प्रयत्न करत आहे. दुसरीकडे, शिख फॉर जस्टिसचा अतिरेकी गुरपतवंत सिंग पन्नू यांनी या घटनेची जबाबदारी घेतली आहे.

भारत जोडो यात्रा थांबवा

अतिरेकी पन्नु म्हणाला की, काँग्रेसने पंजाबवर अत्याचार केले. शिखांचा रक्तपात करण्यात आला. आजही दिल्लीत मारले गेलेल्या शिखांच्या विधवांची गल्ली आहे. भारत जोडो यात्रा पंजाबमध्ये रोखण्यात येईल. श्री मुक्तसर साहिबच्या कॉलेजच्या भिंतींवर लिहिण्यात आले आहे - इंदिरा ठोकी सी, राहुल रोकांगे...

शस्त्रांचा मुद्दा पुन्हा चर्चेत

अतिरेकी पन्नुने आपल्या संदेशात पुन्हा एकदा श्री अकाल तख्त साहिबचे जत्तेदार ज्ञानी हरप्रीत सिंग यांच्या शस्त्रासंबंधीच्या विधानाची आठवण करून दिली. शिख सुरक्षित नसल्याचे जत्थेदारांनाही वाटते. त्यामुळे त्यांनी शस्त्र बाळगावेत, असे ते म्हणालेत.