राहुल योद्धा, सत्याचा मार्ग सोडणार नाही:प्रियंका म्हणाल्या - अदानी-अंबानींनी मोठ-मोठे नेते खरेदी केले, पण राहुलला करता आले नाही

प्रियंका गांधी म्हणाल्या की- "माझा मोठा भाऊ... राहुल यांच्याकडे हात करत....इकडे पाहा, मला सर्वात जास्त अभिमान तुझ्यावर आहे. सत्तेतील लोकांनी पूर्ण ताकद लावली. केंद्र सरकारसह अनेक राज्यातील सरकारांना करोडो रुपये खर्च करून माझ्या भावाची प्रतीमा माझ्या खराब करण्याचा प्रयत्न केला. त्याच्यावर अनेक तपास यंत्रणा लावल्या, पण माझा भाऊ योद्धा आहे... योद्धा...! अदानी-अंबानींनी मोठे नेते विकत घेतले. देशातील सर्व पीएसयू विकत घेतले. देशातील मीडिया विकत घेतला. पण माझ्या भावाला विकत घेऊ शकले नाहीत आणि विकत घेऊ शकणार देखील नाही.

काँग्रेसची 'भारत जोडो यात्रा' उत्तरप्रदेशातील गाझियाबादमध्ये आज पोहोचली आहे. येथील लोणी बॉर्डरवर बनविण्यात आलेल्या स्टेजवर राहुल आणि प्रियांका एकत्र दिसून आले. यावेळी राहुल गांधी प्रियांकाच्या खांद्यावर हात ठेवून पुढे जाताना दिसून आले.मंचावरून प्रियंका गांधी यांनी भाऊ राहुल गांधीचे कौतुक केले.

राहुल यांनी सत्याचे चिलखत घातले, म्हणून थंडी वाजत नाही प्रियांका पुढे म्हणाल्या की, मला कोणीतरी विचारले होते की, तुझ्या भावाला थंडी वाजत नाही का, तुम्ही घाबरत नाही का, त्याच्या सुरक्षेसाठी काय केले. माझे उत्तर आहे की, तो सत्याचे चिलखत घालून चालत आहे. देव त्याला सुरक्षित ठेवील. सगळे मिळून जाऊया. एकता, शक्यता, प्रेमाचा संदेश घेऊन जा.यानंतर दोघांनीही जनतेला शुभेच्छा दिल्या. मात्र, राहुल यांनी मंचावर कोणतेही भाषण केले नाही.

राहुल गांधी यूपीत 3 दिवसात 130 किमी चालणार
यूपीमध्ये प्रवास सुरू करण्यापूर्वी राहुल गांधी यांनी आज दिल्लीतील मार्गघाटातील हनुमानजींचे दर्शन घेतले. यावेळी पुजाऱ्याने त्याला गदाही दिली. राहुलने गदा उचलल्याचा फोटो समोर आला आहे. 9 दिवसांच्या विश्रांतीनंतर मंगळवारी भारत जोडो यात्रा सुरू झाली आहे. काँग्रेस नेते राहुल गांधी 3 दिवसात यूपीमध्ये 130 किलोमीटर पायी चालणार आहेत.

भारत जोडो यात्रेशी संबंधित अपडेट्स..