विदेश दौर्‍यावर राहुल:शिवराज सिंह चौहान म्हणाले - काँग्रेस वर्धापन दिन साजरा करत आहे आणि ते पसार झाले; आजीला भेटणे चुकीचे आहे का? काँग्रेसचा सवाल

काँग्रेस आज 136 वा वर्धापन दिन साजरा करत आहे. मात्र अशा प्रसंगी राहुल गांधी परदेशात असल्याने भाजपने खिल्ली उडवली आहे. मध्यप्रदेशचे मुख्यमंत्री शिवराज सिंह चौहान यांनी सोशल मीडियावर म्हटले की, काँग्रेस आपला 136 वा वर्धापन दिन साजरा करत आहेत आणि राहुलजी '9 2 11' झाले.

भाजप फक्त राहुलला लक्ष्य करत आहे - काँग्रेसचे प्रत्युत्तर

भाजपला आक्रमक बनताना पाहून काँग्रेसला स्पष्टीकरण द्यावे लागले. काँग्रेसचे महासचिव केसी वेणुगोपाल म्हणाले की, राहुल आपल्या आजीला भेटण्यासाठी गेले आहेत. हे चुकीचे आहे का? प्रत्येकाला फिरायला जाण्याचा अधिकार आहे. भाजप घाणेरडे राजकारण करत आहे. ते केवळ राहुल यांना लक्ष्य करत आहेत.

राहुल यांच्या अनुपस्थितीची 101 कारणे असू शकतात

राहुल गांधी यांच्या अनुपस्थितीची 101 कारणे असू शकतात. आपण कोणतेही अनुमान काढू नये. त्यांनी काही वैध कारणास्तव निर्णय घेतला असावा, असे सलमान खुर्शीद म्हणाले.

यापूर्वीही राहुल यांच्या परदेश दौऱ्यावर निशाणा साधला होता

संसद अधिवेशनादरम्यान राहुल आणि सोनिया गांधी परदेशातून परतले. तेव्हा दोघेही इटलीहून परत आले आहेत आणि संक्रमण पसरवू शकतात म्हणून राहुल-सोनियाची कोरोना टेस्ट करायला हवी, असे भाजप खासदार म्हणाले होते.