आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Rahul Gandhi On India China Clash Update | India China Border Clash Reaction Updates; Rahul Gandhi, Digvijaya Singh Slams PM Narendra Modi, Defence Minister Rajnath Singh

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

प्रतिक्रिया:भारत चीन प्रकरणावर पंतप्रधान मोदी गप्प का? ते का लपवत आहेत? लोकांनाही कळू द्या; राहुल गांधी यांची प्रतिक्रिया

नवी दिल्ली10 महिन्यांपूर्वी
  • कॉपी लिंक
अहमदाबाद येथे चीनच्या विरोधात निदर्शने करण्यात आली त्यावेळी टिपलेला फोटो - Divya Marathi
अहमदाबाद येथे चीनच्या विरोधात निदर्शने करण्यात आली त्यावेळी टिपलेला फोटो
  • दोन्ही देशांच्या सैनिकांमध्ये एलएसीवर झालेल्या हिंसाचारात भारताचे 20 जवान शहीद
  • हिंसाचारात चीनचे देखील 43 सैनिक ठार, पण चीनने अद्याप स्वीकारलेले नाही

प्रत्यक्ष नियंत्रण रेषेवर भारत आणि चीनच्या सैनिकांमध्ये झालेल्या हिंसाचारावर पंतप्रधान नरेंद्र मोदी गप्प का आहेत? ते का लवपवत आहेत? असा सवाल काँग्रेस नेते राहुल गांधी यांनी विचारला आहे. पुरे झाले, आता लोकांना देखील कळायला हवे की नेमके झाले तरी काय. चीन आमच्या सैनिकांना मारण्यासाठी आणि आपल्या जमीनीवर पाय सुद्धा ठेवण्याची हिंमत कशी करू शकतो असा जाब राहुल गांधी यांनी मोदी सरकारला विचारला आहे.

काँग्रेस नेते दिग्विजय सिंह यांनी या मुद्यावर संरक्षण मंत्री राजनाथ सिंह यांना घेरण्याचा प्रयत्न केला. त्यांनी फोर्स मॅगजीनचे संपादक प्रविण साहनी यांचे ट्विट शेअर केले. यामध्ये चीनसोबत चर्चा होत असताना कुणीही शस्त्रास्त्र बाळगू नये असा आदेश सरकारकडून मिळाला होता असा दावा करण्यात आला आहे.

चिनी सैनिकांनी धारदार शस्त्रांनी केला हल्ला

लडाखमध्ये चिनी अधिकाऱ्यांशी सोमवारी चर्चा करण्यासाठी गेलेल्या भारतीय अधिकारी आणि जवानांवर चीनने अचानक हल्ला केला. यात काठ्या, दगड आणि धारदार शस्त्रांनी मारहाण करण्यात आली. या हल्ल्यात भारताच्या कमांडिंग ऑफिसरसह 20 सैनिक शहीद झाले. या हिंसाचारात चीनचे सुद्धा 43 सैनिक ठार मारले गेल्याचा दावा केला जात आहे. परंतु, चीन सरकार किंवा लष्कराने अद्याप ही गोष्ट स्वीकारलेली नाही. 14 हजार फुट उंचीवर दोन्ही अण्वस्त्रसंपन्न देशांमध्ये 3 तास हा हिंसाचार सुरू होता.

बातम्या आणखी आहेत...