आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Rahul Gandhi Tamil Nadu Visit Update; Congress Leader Three Day Visit Ahead Assembly Election 2021

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

राहुल गांधींचा तामिळनाडू दौरा:राहुल यांनी कोईम्बतूरमध्ये केला रोड शो, व्यावसायिकांना म्हणाले - 'आमचे सरकार आले तर GST ची पुनर्रचना करु'

नवी दिल्लीएका महिन्यापूर्वी
  • कॉपी लिंक
  • राज्यात एप्रिल किंवा मेच्या सुरुवातीच्या काळात निवडणुका होण्याची शक्यता आहे.

तामिळनाडूमध्ये होणाऱ्या विधानसभा निवडणुकांसाठी कॉंग्रेस नेते राहुल गांधी यांनी शनिवारी मोहीम सुरू केली. ते तीन दिवसांच्या तामिळनाडू दौऱ्यावर पोहोचले आहेत. त्यांनी याची सुरुवात कोईम्बतूरमध्ये रोड शोने केली. यावेळी, केंद्रातील मोदी सरकारवर त्यांनी निशाणा साधला. राज्यात एप्रिल किंवा मेच्या सुरुवातीच्या काळात निवडणुका होण्याची शक्यता आहे.

खुल्या व्हॅनमध्ये रोड शो करत असलेले राहुल म्हणाले की, पंतप्रधान नरेंद्र मोदी यांनी बड्या उद्योजकांशी भागीदारी केली आणि लोकांच्या मालकीचे सर्व काही विकले. यानंतर त्यांनी व्यावसायिकांशी संवाद साधताना GST चा मुद्दा उपस्थित केला. ते म्हणाले की, UPA सरकारची वचनबद्धता आहे की आम्ही सत्तेत आल्यावर GST ची पुनर्रचना करू. मोदी सरकारने GST योग्य पध्दतीने लागू केलेला नाही, असे राहुल यांनी यापूर्वीही म्हटले आहे. जीडीपीतील घसरण हे जीएसटी अपयशाचे प्रमुख कारण असल्याचे त्यांनी नमूद केले.

मोदी सरकारवर निशाणा

  • देशातील तीन-चार बडे व्यापारी पंतप्रधान मोदींचे भागीदार आहेत असा आरोप राहुल यांनी केला. ते त्यांना मीडिया आणि पैसे प्रदान करतात. नरेंद्र मोदी एकामागून एक सर्व विकत आहेत.
  • कॉंग्रेस खासदार म्हणाले की, जे जे काही शेतकर्‍यांचे होते ते तीन कायद्याच्या सहाय्याने त्यांच्यापासून दूर केले जात आहे. त्यांना मोठ्या इंडस्ट्रीजचा नोकर बनवण्यासाठी ढकलले जात आहे.
  • भाजपवर हल्ला करत ते म्हणाले की, त्यांचा पक्ष एका विशिष्ट विचारसरणीविरूद्ध लढा देत आहे, त्यांना वाटते की फक्त एकच संस्कृती, एक भाषा आणि एका विचाराने भारतावर राज्य केले पाहिजे.
बातम्या आणखी आहेत...