आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ठेहटची हत्या करणाऱ्या 4 शूटर्ससह 5 जण जेरबंद:DGP म्हणाले - हरियाणा बॉर्डरवर घेतले ताब्यात, 2 गुंड सिकरचे रहिवासी​​​​​​​

सिकर2 महिन्यांपूर्वी
  • कॉपी लिंक
पोलिसांनी 2 गुंडांना हरियाणा सीमेवर ताब्यात घेतले. तर इतर तिघांना झुंझुनूं गावालगत पकडले. 

राजस्थानातील कुख्यात गँगस्टर राजू ठेहटच्या हत्येप्रकरणी पोलिसांनी रविवारी सकाळी 4 शूटर्ससह 5 जणांना अटक केली आहे. राजस्थानचे पोलिस महासंचलाक (डीजीपी) उमेश मिश्रा यांनी सांगितले की, 2 गुन्हेगारांना हरियाणा बॉर्डरलगतच्या डाबला येथून अटक करण्यात आली, इतर तिघांच्या झुंझुनूंच्या पौंख गावातून मुसक्या आवळण्यात आल्या.

मिश्रा म्हणाले - अटक करण्यात आलेल्या आरोपींपैकी मनीष जाट व विक्रम गुर्जर हे दोघे सिकरचे रहिवासी आहेत. तर सतीश कुम्हार, जतिन मेघवालस व नवीन मेघवाल हे हरियाणाच्या भीवाणीचे आहेत. पोलिसांनी त्यांच्याकडून मोठ्या प्रमाणात शस्त्र व चोरीची क्रेटा कार जप्त केली आहे.

3 शूटर्स एका मंत्र्याच्या गोदामात लपले होते

सूत्रांच्या माहितीनुसार, राजू ठेहटची हत्या करणारे 3 शूटर झुंझुनूंच्या पौंख गावातील एका मायनिंग गोदामात लपले होते. हे गोदाम राज्यातील एका मंत्र्याच्या मालकीचे आहे. पण पोलिसांनी अद्याप त्याची पुष्टी केली नाही.

गावकऱ्यांनी केली पोलिसांची मदत

सूत्रांच्या माहितीनुसार, पौंख गावातील 3 गुंड पकडण्यासाठी पोलिसांनी रात्रभर मोहिम राबवली. त्यात गावकऱ्यांनी पोलिसांची खूप मदत केली. या ऑपरेशनमध्ये 200 हून अधिक पोलिस कर्मचाऱ्यांच्या 15 पथकांचा समावेश होता. त्याचे नेतृत्व झुंझुनू व सिकरचे एसपी करत होते.

2 उच्चपदस्थ पोलिस अधिकारी सिकरला रवाना

या आरोपींच्या मुसक्या आळण्यासाठी व संपूर्ण मोहिमेची माहिती देण्यासाठी एडीजी क्राइम रवी प्रकाश मेहरा व डीआयजी अजयपाल लाम्बा यांना सिकरला पाठवण्यात आले आहे. जवळपास 24 तासांच्या आत सर्वच आरोपींच्या अटकेसाठी डीजीपींनी सिकर पोलिस अधीक्षकांसह संपूर्ण टीमचे कौतुक केले.

या प्रकरणी मुख्यमंत्री अशोक गेहलोत यांनी एका ट्विटद्वारे, आरोपींवर लवकरात लवकर खटला चालवून कठोर शासन करण्याचे प्रयत्न करणार असल्याचे स्पष्ट केले.

दुसरीकडे, शनिवारी रात्रभर सिकरच्या एस के रुग्णालयाबाहेर राजू ठेहटच्या समर्थकांनी निदर्शने केली. त्यांनी ठेहट व शेतकरी ताराचंदचे पार्थिव आरोपींना अटक होईपर्यंत ताब्यात घेण्यास नकार दिला. त्यानुसार पोलिसांनी आरोपींच्या मुसक्या आवळल्यामुळे हे निदर्शन रद्द केले जाण्याची शक्यता आहे. शेतकऱ्याच्या कुटुंबातील एका सदस्याला नोकरी देण्याची मागणीही निदर्शकांनी केली आहे.

नागरिकांनी रात्रभर शवविच्छेदन गृहाच्या बाहेर निदर्शने केली. आज सकाळीही येथे मोठ्या प्रमाणात लोक जमले होते.
नागरिकांनी रात्रभर शवविच्छेदन गृहाच्या बाहेर निदर्शने केली. आज सकाळीही येथे मोठ्या प्रमाणात लोक जमले होते.

गँगस्टर राजू ठेहटची शनिवारी सकाळी त्याच्या घराबाहेर गोळ्या घालून हत्या करण्यात आली होती. या हत्याकांडाची जबाबदारी कॅनडातील गँगस्टर रोहित गोदाराने घेतली आहे. त्याने ही हत्या अत्यंत सूनियोजितपणे केल्याचा संशय आहे.

नागौरचे दोतीणाचे ताराचंद कडवासरा एका कोचिंग इंस्टीट्यूटमध्ये शिकणाऱ्या आपल्या मुलीला भेटण्यासाठी आले होते. ठेहटला ठार करून पळून जाणाऱ्या हल्लेखोरांनी त्यांनाही गोळ्या घातल्या.
नागौरचे दोतीणाचे ताराचंद कडवासरा एका कोचिंग इंस्टीट्यूटमध्ये शिकणाऱ्या आपल्या मुलीला भेटण्यासाठी आले होते. ठेहटला ठार करून पळून जाणाऱ्या हल्लेखोरांनी त्यांनाही गोळ्या घातल्या.
मृत ताराचंद कडवासराच्या नातलकांनी या प्रकरणी निदर्शने करत आहेत. त्यांनी सरकारकडे आपल्या मागण्या लवकरात लवकर मान्य करण्याची मागणी केली आहे.
मृत ताराचंद कडवासराच्या नातलकांनी या प्रकरणी निदर्शने करत आहेत. त्यांनी सरकारकडे आपल्या मागण्या लवकरात लवकर मान्य करण्याची मागणी केली आहे.

4 छायाचित्रांत पाहा, कशी झाली राजूची हत्या?

हल्लेखोर राजू ठेहटला गोळ्या घालून पुढे गेले. पण ठेहटच्या शरीरात हालचाल होताना दिसताच ते पुन्हा त्याच्याकडे गेले व त्याला गोळ्या गोळ्या घातल्या. राजू ठेहट जिवंत राहू नये अशी त्यांची इच्छा होती.
हल्लेखोर राजू ठेहटला गोळ्या घालून पुढे गेले. पण ठेहटच्या शरीरात हालचाल होताना दिसताच ते पुन्हा त्याच्याकडे गेले व त्याला गोळ्या गोळ्या घातल्या. राजू ठेहट जिवंत राहू नये अशी त्यांची इच्छा होती.
राजूला गोळ्या घातल्यानंतर हल्लेखोर पळाले. त्यावेळी त्या भागातील कोचिंग क्लासेसमधील अनेक विद्यार्थी रस्त्यावर होते. ते हल्लेखोरांना घाबरून इकडे-तिकडे लपू लागले.
राजूला गोळ्या घातल्यानंतर हल्लेखोर पळाले. त्यावेळी त्या भागातील कोचिंग क्लासेसमधील अनेक विद्यार्थी रस्त्यावर होते. ते हल्लेखोरांना घाबरून इकडे-तिकडे लपू लागले.
चारही हल्लेखोरांनी हत्येनंतर भागात दहशत पसरवण्यासाठी हवेत गोळीबार केला. हे सर्वकाही सीसीटीव्हीमध्ये कैद केले आहे.
चारही हल्लेखोरांनी हत्येनंतर भागात दहशत पसरवण्यासाठी हवेत गोळीबार केला. हे सर्वकाही सीसीटीव्हीमध्ये कैद केले आहे.
बातम्या आणखी आहेत...