'बेशरम रंग'ला मुस्लिमांचा विरोध:RTI कार्यकर्ते दानिश खान म्हणाले- दीपिकाने भगवे नव्हे चिश्ती कपडे घातले; गाणे वगळण्याची मागणी

पठाण चित्रपटातील बेशरम रंग या गाण्याला मुस्लिम समाजातील लोकही विरोध करत आहेत. आरटीआय कार्यकर्ते दानिश खान यांनी राष्ट्रीय मानवाधिकार आयोगाकडे (NHRC) तक्रार केली आहे. ते म्हणतात की, लोक ज्याला भगवा रंग म्हणत आहेत तो चिश्ती रंग आहे आणि चिश्ती रंगाला मुस्लिम समाजात त्याचा खूप अर्थ आहे. त्यामुळे दानिश यांनी चित्रपटातून हे गाणे काढून टाकण्याची मागणी केली आहे.

म्हणाले- यामुळे हिंदू-मुस्लिमांच्या भावना दुखावल्या
दानिश खान यांनी आपल्या तक्रारीत लिहिले आहे की, लोक ज्याला भगवा रंग म्हणत आहेत. तो चिश्ती रंग आहे आणि मुस्लिमांसाठी या रंगाचे अनन्य साधारण महत्त्व आहे. हे गाणे हिंदू आणि मुस्लिम दोघांच्याही भावना दुखावणारे आहे, त्यामुळे हे गाणे चित्रपटातून काढून टाकावे, अशी आमची मागणी आहे.

नेमका वाद सुरू होण्याचे काय आहे कारण ?
पठाण यांचे बेशरम रंग हे गाणे नुकतेच रिलीज झाले आहे. या गाण्यात दीपिका पदुकोणने भगव्या रंगाची बिकिनी घातली आहे. अशा परिस्थितीत देशाच्या अनेक भागांतून या गाण्याला विरोध होत आहे. काही लोक या चित्रपटावर तर काही गाण्यावर बंदी घालण्याची मागणी करित आहेत.

विरोधकांचे म्हणणे आहे की, भगवा रंग हा हिंदू धर्माचे प्रतीक आहे आणि दीपिकाने हा रंग परिधान करून बेशरम रंग या गाण्यावर गाण्यावर नृत्य केले आहे. जे अत्यंत आक्षेपार्ह आहे. बिकिनीसाठी भगव्या रंगासारखा पवित्र रंग वापरला जाऊ शकत नाही, असा आरोप लोकांकडून केला जात आहे.

अनेक राज्यांमध्ये आंदोलन, विरोध सुरूच
शाहरुख खान-दीपिका पदुकोणच्या पठाण या चित्रपटावरून अनेक राज्यांमध्ये निदर्शने सुरू झाली आहेत. मध्य प्रदेश, राजस्थान, बिहार, उत्तर प्रदेश, छत्तीसगड, गुजरात आणि महाराष्ट्रात देखील निदर्शने होत आहेत. बिहारमधील मुझफ्फरपूरमध्ये शाहरुख खान आणि दीपिका पदुकोणसह पाच जणांवर धार्मिक भावना दुखावल्याप्रकरणी आणि अश्लिलता पसरवल्याप्रकरणी गुन्हा दाखल केला आहे.

छत्तीसगडमधील शिवसैनिकांची गाणे काढण्याची मागणी

छत्तीसगडमधील शिवसैनिकांनी चित्रपटातून बेशरम रंग गाणे काढून टाकण्याची मागणी केली आहे, जर तसे झाले नाही तर हा चित्रपट छत्तीसगडमध्ये प्रदर्शित होऊ देणार नाही, असा इशारा देखील त्यांनी दिलेला आहे. उत्तरप्रदेशमधील मथुरा नगरीत हिंदू महासभेचा या चित्रपटाला विरोध आहे. याविरोधात न्यायालयात जाणार असल्याचे तेथील पदाधिकाऱ्यांनी केला आहे. याशिवाय नरोत्तम मिश्रा, राम कदम आणि साध्वी प्राची या भाजपच्या बड्या नेत्यांनीही यावादात उडी घेतली आहे.