रेड इंक पुरस्कार 2022:दैनिक भास्करचे राष्ट्रीय संपादक ओम गौर यांचा जर्नालिस्ट ऑफ द इयर अवॉर्डने सन्मान

दैनिक भास्कर समूहाचे राष्ट्रीय संपादक ओम गौर यांना रेड इंक पुरस्काराने सन्मानित करण्यात आले आहे. मुंबई प्रेस क्लबने आयोजित केलेल्या कार्यक्रमात शनिवारी रेड इंक पुरस्कारांचे वितरण झाले. प्रेस क्लबचा 2021चा 'जर्नालिस्ट ऑफ द इयर' पुरस्कार ज्येष्ठ पत्रकार ओम गौर यांना प्रदान करण्यात आला.

या कार्यक्रमाला सुप्रीम कोर्टाचे माजी न्यायमूर्ती बीएन श्रीकृष्ण यांची प्रमुख उपस्थित होती. जस्टिस श्रीकृष्ण यांनी कार्यक्रमात संबोधित करताना स्वतंत्र पत्रकारितेचे समर्थन केले. ते म्हणाले, "लोकशाहीचे कामकाज सुरळीत चालण्यासाठी पत्रकारांचे स्वातंत्र्य जपणे आवश्यक आहे."

ते पुढे म्हणाले, न्यायाधीश आणि पत्रकार हे दोन व्यवसाय मूलत: स्वतंत्र असले पाहिजेत. ते डगमगले तर लोकशाहीचे नुकसान होते. ज्या पत्रकाराने आपले स्वातंत्र्य गमावले आहे ते आपले स्वातंत्र्य गमावलेल्या न्यायाधीशाइतकेच वाईट आहे. पत्रकारितेच्या व्यवसायात प्रामाणिकपणा हे खरेच सर्वोत्तम धोरण असल्याचे प्रतिपादन त्यांनी केले.

टीजेएस जॉर्ज यांना जीवनगौरव

ज्येष्ठ पत्रकार टीजेएस जॉर्ज यांना संपादक आणि स्तंभलेखक म्हणून जीवनगौरवसाठी रेडइंक पुरस्कार प्रदान करण्यात आला. 1960च्या दशकात जॉर्ज पाटण्यातील एका वृत्तपत्राचे संपादक होते. ते त्यांच्या प्रस्थापित विरोधी भूमिकेसाठी ओळखले जातात.