आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Research Claims Virus Is First Found In The Throat, The Peak Of Symptoms Comes After 5 Days

आता 2 दिवसांमध्ये दिसताय कोरोनाचे लक्षण:सर्वात पहिले घशात आढळतो व्हायरस, 5 दिवसांनंतर येतो लक्षणांचा पीक - रिसर्चमध्ये दावा

नवी दिल्ली3 महिन्यांपूर्वी
  • कॉपी लिंक

कोरोना विषाणूचा संसर्ग झाल्यानंतर शरीरात लक्षणे किती दिवसात दिसतात? या प्रश्नावर सगळेच गोंधळलेले आहेत. महामारीच्या सुरुवातीपासून, शास्त्रज्ञांनी अनेक वेळा उत्तर बदलले आहे. वर्ल्ड हेल्थ ऑर्गनायझेशन (WHO) नुसार, विषाणूच्या संपर्कात आल्यानंतर 5-6 दिवसांनी लक्षणे दिसून येतात, परंतु ब्रिटनमधील एका नवीन संशोधनानुसार आता ही लक्षणे केवळ 2 दिवसांत दिसून येतात.

रिसर्चमध्ये 36 लोकांना करण्यात आले व्हायरसने संक्रमित
सरकारी निधीच्या मदतीने हे संशोधन इम्पिरियल कॉलेज लंडनच्या शास्त्रज्ञांनी केले आहे. त्यात 18 ते 29 वर्षे वयोगटातील 36 जणांचा समावेश होता. लंडनमधील रॉयल फ्री हॉस्पिटलमध्ये 14 दिवसांच्या क्वारंटाईननंतर त्यांना नाकातून कोरोना विषाणू देण्यात आला. याआधी या वॉलंटियर्सला कधीही संसर्ग झाला नव्हता.

संशोधनानुसार, या प्रक्रियेमुळे 53% स्वयंसेवकांना कोरोना आजार झाला आहे. त्यापैकी 16 जणांना सौम्य सर्दीसारखी लक्षणे होती. कोणताही रुग्ण गंभीर आजारी पडला नाही. शास्त्रज्ञांना आढळले की रुग्णांच्या घशात विषाणू प्रथम शोधला जाऊ शकतो. त्याची लक्षणे 5 व्या दिवशी त्यांच्या पीकवर असतात, कारण नंतर नाकामध्ये विषाणूचे प्रमाण वाढते.

स्टडीचे प्रमुख तज्ज्ञ क्रिस चियु म्हणतात की, कोरोना संसर्ग झाल्यानंतर 2 दिवसांच्या आत व्हायरसची लक्षणे दिसून येतात. प्रथम, लोकांना घशात आणि नंतर नाकात त्रास होतो. यानंतर व्हायरसचा भार खूप वेगाने वाढतो. चियु यांच्या म्हणण्यानुसार, ज्या लोकांमध्ये संशोधनादरम्यान विषाणूची कोणतीही लक्षणे दिसून आली नाहीत, त्यांची प्रतिकारशक्ती इतरांपेक्षा चांगली असते.

कोरोनाचा मूळ स्ट्रेन संशोधनात वापरला गेला
या संशोधनात, शास्त्रज्ञांनी कोरोनाचे मूळ स्वरूप असलेल्या SARS-CoV-2 ने रुग्णांना संक्रमित केले. अभ्यासात सहभागी असलेले डॉ. एंड्रू कॅचपोल यांनी दावा केला आहे की डेल्टा आणि ओमिक्रॉन व्हेरिएंटच्या प्रयोगातही असेच परिणाम मिळतील.

संशोधकांचे म्हणणे आहे की, कोरोना व्हायरस खूप वेगाने रेप्लिकेट होणे आणि पसरण्याची क्षमता ठेवतो. त्याचा विषाणूजन्य भार नाकात सर्वाधिक असतो, त्यामुळे त्याचा संसर्ग नाकातून व तोंडातून होण्याची शक्यता सर्वाधिक असते, म्हणूनच गर्दीच्या ठिकाणी आणि बंद खोल्यांमध्ये चांगल्या दर्जाचे मास्क घालणे अत्यंत आवश्यक आहे.

बातम्या आणखी आहेत...