स्वस्त झाले तेल:वाढत्या पुरवठ्यामुळे तेलाच्या किमती घसरल्या; ही घसरण कायम राहणार, रशिया, इंडोनेशियामधून निर्यात सुरू

देशांतर्गत बाजारात खाद्यतेलाच्या किमती 9% कमी झाल्या असून या महिन्यात त्यांच्या किमती आणखी घसरण्याची शक्यता आहे. आंतरराष्ट्रीय बाजारपेठेतील पुरवठा वाढणे हे त्याचे प्रमुख कारण आहे. गेल्या महिन्यात आंतरराष्ट्रीय बाजारात सन फ्लावर ऑयल, सरसो तेल, पाम कर्नेल ऑयल आणि नाराळाचे तेलाच्या भाव 2-13.5% घसरला. सोया तेलाच्या किमती स्थिर राहिल्या आणि पाम तेलात थोडी वाढ झाली. त्या अंतर्गत देशांतर्गत बाजारात सन फ्लावर तेल वगळता खाद्य तेलाच्या किरकोळ किमती 2-9% कमी झाल्या. सॉल्वेंट एक्सट्रॅक्टर्स असोसिएशन (एसईए)चे प्रेसिडेंट अतुल चतुर्वेदीने सांगितले, इंडोनेशियातील पुरवठा पुनर्संचयित होणे, व्याजदरात झालेली वाढ, वापरातील मंदीमुळे तेल बाजाराचा कल उलटला. रशियाकडून सन फ्लॉवर ऑईलचा पुरवठा सुरू झाला असून युक्रेनमधून त्याची निर्यातही पूर्ववत होण्याची शक्यता आहे.

आंतरराष्ट्रीय बाजारात सूर्यफूल तेलात मोठी घसरण
खाद्यतेल कमी/वाढ
खोबरेल तेल -13.4%
सूर्यफूल तेल -8.6%
मोहरी तेल -2.1%
सोयाबीन तेल +0.8%
पाम तेल +2.0%
(आकडे मेमधील, स्रोत: बँक ऑफ बडोदा रिसर्च)

देशांतर्गत बाजारात सोयाबीन तेलाच्या किरकोळ किमतीत सर्वाधिक घसरण खाद्यतेल 30 एप्रिल 31 मे अंतर सोयाबीन 196 179 -8.7% पाम 177 165 -7.3% मोहरी 196 185 -5.6% शेंगदाणा 216 212 -1.8% सूर्यफूल 203 218 +7.3% (दिल्लीतील 1 किलो पॅकच्या किंमती (स्रोत: ग्राहक व्यवहार विभाग)

कडक उन्हाळ्यात नेहमी कमी होते खाद्यतेलाची मागणी
देशांतर्गत बाजारात खाद्यतेलाचे भाव कमी होण्यामागे कडक उन्हाळ्याचे कारण होते. केडिया अॅडवायझरीचे डायरेक्टर अजय केडियांनी सांगितले, या वर्षी देशात उष्णतेने सर्व विक्रम मोडले. जेव्हा उष्णता जास्त असते तेव्हा तेलाची मागणी सहसा कमी होते. याशिवाय लग्नसराईचा मोसमही आता संपत आला. दरम्यान, आंतरराष्ट्रीय बाजारातून पुरवठा वाढत आहे. अशा परिस्थितीत या महिन्यात तेलाच्या महागाईतून आणखी दिलासा मिळू शकतो.

भाव पडल्यावर शेतकरी तेलबिया काढतात
सोयाबीन प्रोसेसर्स असोसिएशन (सोपा) ऑफ इंडियाचे कार्यकारी संचालक डीएन पाठक यांच्या मते, सध्या तेल बाजारात तेजी दिसणार नाही. त्यांनी संागितले, भाव वाढण्याच्या प्रतिक्षेत शेतकरी होते त्यामुळे त्यांनी मोठ्या प्रमाणात तेलबिया स्टॉक करुन ठेवले होते. मात्र आता घसरण वाढल्यामुळे उरलेला माल काढत आहेत. त्यामुळे तेलबियांच्या किमतीही दबावाखाली आल्या आहेत. त्याचा परिणाम तेलाच्या किमतीवर दिसून येत आहे.