हो, मीच घातल्या मुसेवालाला गोळ्या:गँगस्टर लॉरेन्सचा भाचा सचिन बिश्नोईची कबुली; म्हणाला - विक्की मिड्डूखेडाच्या हत्येचा बदला घेतला

चंदिगड10 महिन्यांपूर्वी

कॉपी लिंक

सुप्रसिद्ध पंजाबी गायक सिद्धू मुसेवालाची हत्या लॉरेन्स गँगनेच केली आहे. गँगस्टर लॉरेन्सचा भाचा सचिन बिश्नोईने आपणच हा खून केल्याची कबुली दिली आहे. तो म्हणाला -मी स्वतः सिद्धू मुसेवालाला गोळ्या घातल्या. याद्वारे आम्ही मोहालीत झालेल्या विक्की मिड्डूखेडाच्या हत्येचा बदला घेतला.

स्वतःची ओळख सचिन बिश्नोई म्हणून करवून देणाऱ्या एका व्यक्तीने एका वृत्तवाहिनीशी व्हर्च्युअल ID च्या माध्यमातून संवाद साधताना हा दावा केला. तो सचिन बिश्नोई असल्याची पुष्टी अद्याप झाली नाही.

हत्येचा दावा करणाऱ्याचे संपूर्ण संभाषण

सचिन बिश्नोई म्हणाला -मोहालीत युवा अकाली नेता विक्की मिड्डूखेडाची हत्या झाली होती. पोलिस त्याचा तपास करत आहेत. अनेक गँगस्टर्सची चौकशी झाली. सर्वांनी या हत्येमागे सिद्धू मुसेवालाचा हात असल्याचे सांगितले.
हत्या करणारा शूटर सांगता होता की, मुसेवालांनी आम्हाला जागा दिली व आर्थिक सपोर्ट्ही केला. दिल्ली पोलिसांनी मुसेवालाचे नावही घेतले. त्यानंतरही त्यांच्यावर कोणतीही कारवाई झाली नाही. आम्ही वाट पाहिली. पण, काहीच झाले नाही.
मुसेवालाने चंदिगडमध्ये गुरलाल बरार यांचीही हत्या घडवून आणली. तो कॅनडात बसलेल्या गँगस्टर गोल्डी बरार याचा भाऊ होता. यामागेही मुसेवालाचा हात होता. त्यानंतरही त्यांच्यावर कोणतीही कारवाई करण्यात आली नाही.
सचिन म्हणाला -सिद्धू मुसेवालाला ठार मारण्याच्या मोबदल्यात आम्हाला कोणतीही प्रसिद्धी पाहिजे नाही. हेतू केवळ सूड घेण्याचा होता. मुसेवालाची हत्या करून आम्ही विक्की मिड्डूखेडा व गुरलाल बरार याच्या हत्येचा सूड उगवला.
यावेळी सचिन बिश्नोईला मुसेवालाला मारण्यासाठी शस्त्र कुठून आली? असा प्रश्न केला असता त्यांनी त्याचे उत्तर दिले नाही. आमच्याकडे याहून मोठे शस्त्र आहेत. त्याची कल्पनाही कुणी करू शकत नाही, असे तो म्हणाला.

धमकी देणाऱ्यांनी कुठे यायचे ते सांगावे?

सचिनने सांगितले की, आम्हाला अनेकजण धमक्या देत आहेत. सिद्धू मुसेवालाच्या हत्येचा बदला घेण्याची भाषा करत आहेत. त्यांनी कुठे यायचे ते सांगावे. गरजणारे बरसत नाहीत.

यावेळी सचिनला त्याच्या पुढच्या टार्गेटविषयी विचारले असता त्याने वेळ आल्यावर ते कळेल असे स्पष्ट केले. त्यांनी 2 दिवसांत मनकीरत औलखला मारण्याची वल्गना केली होती. पण, काहीच करता आले नाही. या धमकी देणाऱ्यांतूनच एखादा मरेल, असे तो म्हणाला.

एन्काउंटरला घाबरणाऱ्या लॉरेन्सला पंजाबमध्ये यावेच लागेल, याचिका रद्दबातल

गँगस्टर लॉरेन्सला पंजाब व हरयाणा हाय कोर्टाने जोरदार झटका दिला आहे. त्याची प्रोडक्शन वॉरंटवर पंजाबला वर्ग न करण्याची याचिका हाय कोर्टाने फेटाळून लावली आहे. लॉरेन्सने आपल्या याचिकेत पंजाब पोलिसांकडून आपले एन्काउंटर होण्याची भीती व्यक्त केली होती. हाय कोर्टातील सुनावणीत पंजाबचे महाधिवक्ते म्हणाले होते की, लॉरेन्सचे नाव एफआयआरमध्ये नाही. तसेच पंजाब पोलिसांनीही त्याची कोठडी मागितली नाही. त्यावर हाय कोर्टाने लॉरेन्सची याचिका मॅच्युअर नसल्याचे स्पष्ट करत फेटाळून लावली.

बातम्या आणखी आहेत...

अ‍ॅप उघडा

Our Divisions

This website follows the DNPA Code of Ethics.

फीडबॅक द्या