आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • International
  • Sale Of French Rafale Jet Fighters To India: French Media Report Suggests Scandal With New Evidances

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

राफेल पुन्हा चर्चेत:देसॉ एव्हिएशनने क्लाइंट गिफ्टवर खर्च केले 4.39 कोटी रुपये, थेट भारताशी संबंध; फ्रान्सच्या मीडिया रिपोर्टमुळे राफेल करार पुन्हा चर्चेत

पॅरिस9 दिवसांपूर्वी
  • कॉपी लिंक
  • इतकी मोठी रक्कम गिफ्ट कशी असू शकते याचे अद्याप स्पष्टीकरण नाही

राफेल लढाऊ विमान घोटाळा फ्रेंच मीडियामुळे पुन्हा जगभरात चर्चेत आले आहे. फ्रान्सच्या एका वेबसाइटने देसॉ एव्हिएशनकडून बोगस व्यवहार झाल्याचे म्हटले आहे. या मीडियाने फ्रान्सची भ्रष्टाचारविरोधी संस्था AFA दाखला देऊन रिपोर्ट जारी केला. कंपनीच्या 2017 च्या खात्यांचे ऑडिट करण्यात आले. त्यानुसार, 5 लाख 8 हजार 925 यूरो अर्थात जवळपास 4.39 कोटी रुपये क्लाइंट गिफ्टच्या नावे खर्च करण्यात आले आहेत. इतकी मोठी रक्कम गिफ्ट कशी असू शकते याचे अद्याप स्पष्टीकरण देण्यात आलेले नाही. विमानाचे मॉडेल बनवणाऱ्या कंपनीचे केवळ मार्च 2017 चे एक बिल उपलब्ध करून देण्यात आले आहे.

थेट भारतीय कनेक्शन
AFA ने केलेल्या चौकशीत देसॉ एव्हिएशनने सांगितले, की त्यांनी राफेल विमानाचे 50 मॉडेल एका भारतीय कंपनीसाठी तयार केले होते. या मॉडेलसाठी 20 हजार यूरो (17 लाख रुपये) प्रत्येकी पैसे घेण्यात आले आहेत. पण, हे मॉडेल कुठे आणि कशा पद्धतीने वापरण्यात आले याचे काहीच पुरावे नाहीत. मीडिया रिपोर्टनुसार, मॉडेल बनवण्याचे काम कथितरित्या भारतीय कंपनी Defsys Solutions ला देण्यात आले होते. ही कंपनी सध्या भारतात सब-कॉन्ट्रॅक्टर कंपनी आहे. या कंपनीचे मालक असलेले सुषेण गुप्ता संरक्षण करारांमध्ये मध्यस्थ आणि देसॉ एव्हिएशन करारात एजंट आहेत. सुषेण गुप्ता यांना 2019 मध्ये ऑगस्टा वेस्टलँड हेलिकॉप्टर खरेदी घोटाळ्यात ईडीने अटकही केली होती. मीडिया रिपोर्टनुसार, सुषेण गुप्तानेच मार्च 2017 मध्ये देसॉ एव्हिएशनला राफेल मॉडेल बनवण्यासाठी बिल दिले होते.

राफेल घोटाळा पुन्हा चर्चेत
फ्रांसच्या न्यूज वेबसाइटने केलेल्या दाव्यानंतर भारतात राफेल विमानांच्या कथित घोटाळ्याचा मुद्दा पुन्हा चर्चेत आला आहे. लोकसभा निवडणुकीच्या वेळी काँग्रेस नेते राहुल गांधी यांनी राफेल घोटाळ्याचा मुद्दा लावून धरला होता. त्यात आता 5 राज्यांमध्ये विधानसभा निवडणूक होत असताना राफेल पुन्हा चर्चेत आले. अशात काँग्रेसकडे केंद्रातील भाजप आणि पंतप्रधान नरेंद्र मोदींना घेरण्यासाठी आणखी एक मुद्दा मिळाला आहे.

कोर्टाकडून आधीच क्लीनचिट
काँग्रेसने राफेल घोटाळ्याचा आरोप केला होता. राफेल लढाउ विमान यूपीए सरकारने 526 कोटी रुपयांत घेण्याचा करार केला होता. पण, भाजपने सत्तेत आल्यानंतर त्याची किंमत वाढवून 1670 कोटी रुपये प्रति विमान केली. सोबतच, भारत सरकारने यासाठी हिंदुस्तान एयरोनॉटिकल कंपनीला करारात का सामिल करून घेतले नाही असेही सवाल उपस्थित करण्यात आले होते. हे प्रकरण सुप्रीम कोर्टात गेले. सुप्रीम कोर्टाने 14 नोव्हेंबर 2019 रोजी आरोप फेटाळून लावले. सोबतच, चौकशीची सुद्धा गरज नसल्याचे स्पष्ट केले. या प्रकरणात एफआयआरची सुद्धा गरज नसल्याचे निरीक्षण न्यायालयाने नोंदवले होते.

बातम्या आणखी आहेत...