संबित पात्रा निखाऱ्यांवर चालले:झामू यात्रेत केली पूजा: सोशल मीडियावरून VIDEO केला शेअर

भाजपचे राष्ट्रीय प्रवक्ते संबित पात्रा यांनी मंगळवारी ओडिशातील पुरीमधील झामू यात्रेत पूजा केली. या पुजेदरम्याने ते निखाऱ्यांवर 10 मीटरपर्यंत चालले. याचा 24 सेकंदांचा व्हिडिओही त्यांनी त्यांच्या सोशल मीडिया अकाऊंटवरून शेअर केला आहे.

या व्हिडिओत ते निखाऱ्यांवर पळताना दिसतात. यावेळी त्यांच्या चेहऱ्यावर स्मितहास्य दिसते. स्थानिकही त्यांना बघून आनंदी असल्याचे यात दिसते. पूजेनंतर पात्रा म्हणाले की, त्यांनी लोकांच्या कल्याणासाठी आणि परिसरात शांततेसाठी मातेचे आशीर्वाद घेतले.

पात्रांनी लिहिले- आगीवर चालत देवी मातेचे आशीर्वाद घेतले

पात्रा यांनी मंगळवारी सोशल मीडियावर पोस्टच केलेल्या व्हिडिओवर लिहिले की- शक्ती पूजा आमच्या सनातन संस्कृतीचा एक महत्वाचा भाग आहे. पुरी जिल्ह्याच्या समंग पंचायतमधील रेबती रमण गावात आयोजित दंड व झामी यात्रा या प्राचीन परंपरेचे प्रतिक आहे.

या तीर्थयात्रेत निखाऱ्यांवर चालत आईची पूजा आणि आशीर्वाद प्राप्त केल्याने धन्य झाल्याची अनुभूती मिळाली.

पाहा संबित पात्रांचा व्हिडिओ

झामू यात्रेच्या परंपरेत स्वतःला यातना द्यावी लागते

झामू यात्रेच्या परंपरेनुसार ही एक अशी तपस्या आहे, ज्यात भक्त आपल्या मनोकामना पूर्ण करण्यासाठी आणि देवी मातेला प्रसन्न करण्यासाठी आगीवर चालतात किंवा स्वतःच्या शरीराला खिळा टोचून स्वतःला यातना देतात.