जामिया हिंसाचार प्रकरणात शर्जिल इमामला जामीन:दिल्ली दंगलीच्या कटप्रकरणी तुरुंगातच राहावे लागणार

जामिया मिलिया इस्लामिया युनिव्हर्सिटी 2019 च्या हिंसाचार प्रकरणात दिल्ली न्यायालयाने शर्जिल इमाम आणि आसिफ इक्बाल तन्हा यांची निर्दोष मुक्तता केली आहे. मात्र, शर्जील अजूनही तुरुंगातच राहावे लागणार आहे. दिल्ली दंगलीच्या कट प्रकरणातही तो आरोपी आहे. त्याच्यावर आणखी अनेक एफआयआर दाखल आहेत. तर तान्हा जामिनावर तुरुंगाबाहेर आहे.

शर्जिलला देशद्रोहाच्या गुन्ह्यात जामीनही मिळाला आहे
चार महिन्यांपूर्वी, दिल्ली न्यायालयाने शर्जिल इमामला देशद्रोहाच्या खटल्यात 30,000 रुपयांच्या वैयक्तिक जातमुचलक्यावर जामीन मंजूर केला होता. यामध्ये त्याच्यावर भडकाऊ भाषण केल्याचा आरोप होता, ज्यामुळे 2019 मध्ये जामिया नगर भागात हिंसाचार झाला होता.

जानेवारी 2020 मध्ये अटक झाली होती
इमाम तीन वर्षांपासून तिहार तुरुंगात बंद आहे. या वक्तव्याचा व्हिडिओ समोर आल्यानंतर शर्जिल इमाम चर्चेत आला होता. त्यानंतर नागरिकत्व दुरुस्ती कायद्याच्या (CAA) विरोधात झालेल्या हिंसक निदर्शनांशी संबंधित अनेक प्रकरणांमध्ये त्याला आरोपी करण्यात आले होते. शर्जिलला जानेवारी 2020 मध्ये बिहारमधून द्वेषपूर्ण भाषण आणि देशद्रोहाशी संबंधित आणखी एका प्रकरणात अटक करण्यात आली होती.

इमामचे भाषण
आपल्या भाषणात इमाम महाल होता की, आसाम भारतापासून वेगळा झाला पाहिजे. आसामला मदत करायची असेल तर भारतीय सैन्याचा आणि आसामला पुरवल्या जाणाऱ्या वस्तूंचा मार्ग अडवावा लागेल. 'चिकन नेक' मुस्लिमांचा आहे. चिकन नेक हा 22 किमीचा महामार्ग आहे, जो ईशान्येकडील राज्यांना देशाच्या इतर भागांशी जोडतो.