मुसेवाला खून प्रकरणात लॉरेन्स रिमांडवर:पंजाब पोलिसांनी दिल्लीहून आणले; सिक्रेट लोकेशनवर चौकशी सुरु

तिहार तुरुंगातून पंजाबमध्ये आणलेल्या गँगस्टर लॉरेन्सला मानसा कोर्टाने सात दिवसांची पोलिस कोठडी सुनावली आहे. पंजाबी गायक सिद्धू मुसेवाला यांच्या हत्येप्रकरणी आता लॉरेन्सची चौकशी करण्यात येणार आहे. पंजाब पोलिस मंगळवारी रात्री साडेआठच्या सुमारास लॉरेन्सला घेऊन दिल्लीहून निघाले. यानंतर पानिपत, सोनीपत, कर्नाल मार्गे पहाटे 3.30 वाजता मानसा येथे पोहोचले.

पहाटे 4 वाजता पोलिसांनी त्याची वैद्यकीय तपासणी केली. त्यानंतर पहाटे 4.30 वाजता त्याला न्यायालयात हजर केल्यानंतर पोलिसांनी त्याची कोठडी घेतली. त्याला प्रथम खरड, मोहाली येथील सीआयए कर्मचारी कार्यालयात चौकशीसाठी आणण्यात आले. सुरुवातीला येथे चौकशी करण्यात आली. यानंतर पोलिसांचे 2 ताफे वेगवेगळ्या दिशेने रवाना झाले.

लॉरेन्स आता कुठे आहे याची पुष्टी नाही. मात्र मुसेवाला हत्याकांडप्रकरणी अँटी गँगस्टर टास्क फोर्सकडून त्याची चौकशी करण्यात येत असल्याचे निश्चित आहे. लॉरेन्सच्या जवळ असलेल्या गोल्डी ब्रारच्या दोन गुंडानाही पोलिसांनी दोन ठिकाणी ताब्यात घेतले आहे. त्यांच्याकडून मुसेवाला हत्याकांडात वापरलेली शस्त्रे जप्त केली जाऊ शकतात.

2 बुलेटप्रूफ वाहने, संपूर्ण मार्गावर व्हिडिओग्राफी
लॉरेन्सच्या सुरक्षेबाबत त्याच्या वकिलाने प्रश्नचिन्ह उपस्थित केले होते. लॉरेन्सच्या फेक एन्काउंटरची भीती वकिलाने सांगितली होती. मात्र, पोलिसांनी लॉरेन्सला 2 बुलेटप्रूफ वाहनांमध्ये सुखरूप पंजाबमध्ये आणले. यावेळी 50 अधिकाऱ्यांचे पथक उपस्थित होते. संपूर्ण मार्गाचे चित्रीकरण करण्यात आले. आता लॉरेन्सभोवती कडेकोट सुरक्षा व्यवस्था ठेवण्यात आली आहे. फक्त निवडक अधिकाऱ्यांना लॉरेन्सकडे जाण्याची परवानगी आहे.

लॉरेन्ससाठी पंजाब पोलिसांचे प्रश्न तयार आहेत