आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Sonali Phogat Murder Case Investigation To CBI | CM Of Goa Said So Far Transparent Action |Marathi News

सोनाली फोगट हत्याकांडाचा तपास आता CBI करणार:गोव्याचे CM म्हणाले- आज प्रकरणाची फाईल सोपवणार, आतापर्यंत पारदर्शक कारवाई

23 दिवसांपूर्वी
  • कॉपी लिंक

हरियाणातील भाजप नेत्या सोनाली फोगट यांच्या हत्येचा तपास आता सीबीआय करणार आहे. गोवा सरकारने या प्रकरणाची सीबीआय चौकशी करण्याचा निर्णय घेतला असून हे प्रकरण आज सीबीआयकडे सोपवण्यात येणार आहे. गोव्याचे मुख्यमंत्री प्रमोद सावंत यांनी ही माहिती दिली.

या प्रकरणाची चौकशी सुरू असल्याचे मुख्यमंत्री प्रमोद सावंत यांनी सांगितले. या प्रकरणाची सीबीआयमार्फत चौकशी व्हावी, अशी मागणी सातत्याने होत होती. याशिवाय सोनालीची मुलगी यशोधराही सीबीआय चौकशीची मागणी सातत्याने करत होती.

आमचा पोलिसांवर पूर्ण विश्वास असल्याचे त्यांनी सांगितले. पोलिसांचा तपास योग्य दिशेने सुरू आहे. अनेक पुरावे पोलिसांनाही मिळाले होते, मात्र लोकांची आणि त्यांच्या मुलीची मागणी लक्षात घेऊन हे प्रकरण आता सीबीआयकडे देण्यात येत आहे. हे प्रकरण आज सीबीआयकडे सोपवण्यात येणार असून ते गृहमंत्र्यांना पत्र लिहिणार आहेत.

सोनाली फोगट 23 ऑगस्ट रोजी सकाळी गोव्यातील एका रिसॉर्टमध्ये मृतावस्थेत आढळून आली होती. त्यावेळी सोनालीचा पीए सुधीर सांगवान आणि सुखविंदर तिच्यासोबत होते. मंगळवारी सकाळी 8 वाजता सुधीरने सोनालीच्या भावाला फोन करून मृत्यूची माहिती दिली आणि त्यानंतर कुटुंबियांचे फोन उचलणे बंद केले.

सुधीर आणि सुखविंदर यांनीच सोनालीची हत्या केल्याचा आरोप कुटुंबीयांनी केला आहे. सुधीरची नजर सोनालीच्या मालमत्तेवर होती. मालमत्ता हडप करण्यासाठी त्याने सोनालीची हत्या केली आहे.

बातम्या आणखी आहेत...