सोनाली फोगाट अंत्यसंस्कार IN PHOTOS:मुलीने आईला दिला मुखाग्नी; मामाला म्हणाली- बाबा नाही, आईही गेली, मी एकटी कशी राहणार?

सोनाली फोगाट आज पंचतत्वात विलीन झाल्या. त्यांची कन्या यशोधरा हिने त्यांना मुखाग्नी दिला. यशोधराने सोनाली यांना खांदाही दिला. सोनालींच्या पार्थिवावर ऋषी नगर स्मशानभूमीत अंत्यसंस्कार करण्यात आले. हिसार सिव्हिल रुग्णालयाच्या शवागारातून त्यांचे पार्थिव धोदर फार्म हाऊसवर नेण्यात आले आहे. त्यांचे पार्थिव घेण्यासाठी सकाळपासूनच त्यांचे नातेवाईक रुग्णालयात उपस्थित होते मात्र यासाठी त्यांना तासभर वाट पाहावी लागली. शुक्रवारी पहाटे अडीच वाजता त्यांचे पार्थिव गोव्याहून हिसार येथे आणण्यात आले.

22 ऑगस्टच्या रात्री गोव्यात सोनालींची हत्या झाली होती. 23 ऑगस्ट रोजी सकाळी 8 वाजता सोनालींच्या मृत्यूची बातमी देशभर पसरली. शवविच्छेदनात शरीरावर जखमांच्या खुणा आढळल्या. गोवा पोलिसांनी सोनाली यांचे पीए सुधीर सांगवान आणि त्याचा एक सहकारी सुखविंदर यांच्याविरुद्ध खुनाचा गुन्हा दाखल केला आहे. सोनालींच्या मृत्यूची सीबीआय चौकशी करण्याची मागणी कुटुंबीयांनी केली आहे.

सोनाली फोगाट यांचा अखेरचा प्रवास....