आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Sonia Gandhi Vs G 23 । Ghulam Nabi Azad, Kapil Sibbal । G 23 Leaders At Azad's House

5 राज्यांतील पराभवानंतर काँग्रेस फुटीच्या उंबरठ्यावर!:आझाद यांच्या घरी 24 तासांत जी-23 नेत्यांची दुसरी बैठक, पत्रकारांना बोलावले; मोठ्या निर्णयाची शक्यता

नवी दिल्ली2 महिन्यांपूर्वी
  • कॉपी लिंक

5 राज्यांमध्ये झालेल्या दारुण पराभवानंतर G-23 नेत्यांनी काँग्रेस हायकमांडविरोधात आघाडी उघडली आहे. G-23 नेत्यांची 24 तासांत दुसरी बैठक गुलाम नबी आझाद यांच्या घरी पार पडली. या बैठकीला आनंद शर्मा, कपिल सिब्बल आणि भूपिंदर सिंग हुडा यांच्यासह दिग्गज नेते उपस्थित होते. पत्रकारांनाही बैठकीसाठी बोलावण्यात आले होते. G-23चे नेते मोठा निर्णय घेऊ शकतात अशी चर्चा सुरू आहे.

पाच राज्यांच्या निवडणूक निकालानंतर आझाद यांच्या घरी गुरुवारी तिसरी बैठक पार पडली. पहिली बैठक 11 मार्चला, तर दुसरी बैठक बुधवारी बोलावण्यात आली होती. वृत्तसंस्था एएनआयने दिलेल्या माहितीनुसार शुक्रवारी सकाळी गुलाम नबी आझाद यांच्यासह जी23 नेते सोनिया गांधींना भेटायला जाणार आहेत. त्यामुळे आजच्या या भेटीकडे सर्वांचे लक्ष लागले आहे.

चिदंबरम यांचे आवाहन G-23च्या नेत्यांनी काँग्रेस तोडू नये

काँग्रेसच्या लाजिरवाण्या पराभवानंतर माजी केंद्रीय मंत्री पी. चिदंबरम यांनी पक्षांतर्गत सातत्याने विरोध होत असताना गांधी कुटुंबाला पाठिंबा दिला आहे. एनडीटीव्हीशी केलेल्या विशेष संवादात चिदंबरम म्हणाले की, पराभवासाठी एकट्या गांधी कुटुंबाला जबाबदार धरता येणार नाही. यावेळी त्यांनी G-23 म्हणजेच काँग्रेसच्या असंतुष्ट नेत्यांना पक्षात फूट पाडू नये, असे आवाहनही केले.

चिदंबरम म्हणाले की, गांधी कुटुंबाने पराभवाची जबाबदारी स्वीकारली आहे. कोणीही जबाबदारीपासून वाचण्याचा प्रयत्न करत नाहीये.
चिदंबरम म्हणाले की, गांधी कुटुंबाने पराभवाची जबाबदारी स्वीकारली आहे. कोणीही जबाबदारीपासून वाचण्याचा प्रयत्न करत नाहीये.

G-23 नेत्यांनी एसी रूमच्या राजकारणातून निघावे : अधीर

जी-23 नेत्यांवर निशाणा साधताना अधीर रंजन चौधरी म्हणाले की, त्यांना विचारा की, त्यांना मंत्रिपद मिळाले, तेव्हा ते लोकशाही मार्गाने मिळाले का? चौधरी पुढे म्हणाले की, सोनिया गांधी प्रत्येक काँग्रेसवाल्यांना भेटतात आणि म्हणणे ऐकून घेतात. G-23 चे नेत्यांनी एसी रूमच्या राजकारणातून बाहेर पडले पाहिजे.

हुड्डांनी घेतली राहुल यांची भेट, नंतर आझादांच्या घरी पोहोचले

G-23 सदस्य भूपिंदर सिंग हुड्डा यांनी गुरुवारी राहुल गांधी यांची भेट घेतली. नवी दिल्लीतील 12 तुघलक लेन येथे ही बैठक सुमारे दोन तास चालली. बैठकीनंतर हुड्डा बाहेर आले, पण त्यांनी पत्रकारांच्या एकाही प्रश्नाला उत्तर दिले नाही. यानंतर हुड्डा गुलाम नबी आझाद यांच्या घरी पोहोचले.

हुड्डा यांनी राहुल गांधींशी बंद दाराआड दोन तास चर्चा केली. यानंतर ते गुलाम नबी आझाद यांच्या घरी पोहोचले.
हुड्डा यांनी राहुल गांधींशी बंद दाराआड दोन तास चर्चा केली. यानंतर ते गुलाम नबी आझाद यांच्या घरी पोहोचले.

पाच राज्यांतील दारुण पराभवानंतर बुधवारी रात्री गुलाम नबी आझाद यांच्या घरी काँग्रेसच्या G-23 नेत्यांची बैठक झाली. या बैठकीला उपस्थित राहण्यासाठी आलेले काँग्रेसचे माजी खासदार शंकरसिंह वाघेला म्हणाले की, प्रियांका गांधींमुळे काँग्रेसचा यूपीत पराभव झाला आहे. त्याचवेळी बैठकीनंतर नेत्यांनी संयुक्त निवेदन जारी केले.

हायकमांडने आझाद यांना भेटायला बोलावले

वृत्तसंस्थेनुसार, गुलाम नबी आझाद गुरुवारीच पक्षाच्या अंतरिम अध्यक्षा सोनिया गांधी यांची त्यांच्या निवासस्थानी 10 जनपथवर भेट घेणार होते. त्यांना हायकमांडने बैठकीसाठी बोलावले होते. यादरम्यान ते G-23 नेत्यांचा प्रस्ताव त्यांच्यासमोर मांडण्याची शक्यता होती. या बैठकीला राहुल आणि प्रियांकाही उपस्थित राहण्याची शक्यता आहे. आझाद यांची भेट घेतल्यानंतर सोनिया गांधी काँग्रेस कार्यकारिणीची (CWC) पुन्हा बैठक बोलवू शकतात, असे मानले जात आहे.

18 असंतुष्ट नेत्यांनी जी-23 नेत्यांनी जारी केलेल्या पत्रावर स्वाक्षरी केली

G-23 नेत्यांकडून जारी केलेल्या या पत्रात फक्त 18 नेत्यांनी स्वाक्षऱ्या केल्या आहेत. गुलाम नबी आझाद आणि आनंद शर्मा CWC मेंबरही आहेत.
G-23 नेत्यांकडून जारी केलेल्या या पत्रात फक्त 18 नेत्यांनी स्वाक्षऱ्या केल्या आहेत. गुलाम नबी आझाद आणि आनंद शर्मा CWC मेंबरही आहेत.

G-23 गटाचे प्रमुख सदस्य कपिल सिब्बल यांनी एका मुलाखतीत म्हटले होते की, गांधी परिवाराने काँग्रेसचे नेतृत्व सोडून दुसऱ्या नेत्याकडे जबाबदारी सोपवली पाहिजे. बैठकीनंतरच्या निवेदनात म्हटले आहे - 2024 मध्ये भाजपला आव्हान देण्यासाठी मजबूत पर्यायाची गरज आहे. काँग्रेस हायकमांडने समान विचारधारा असलेल्या पक्षांशी चर्चा करावी. या पत्रावर गुलाम नबी आझाद, आनंद शर्मा आणि विवेक तंखा यांच्यासह 18 असंतुष्ट नेत्यांनी स्वाक्षरी केली आहे.

शशी थरूर यांनी बैठकीला जाण्याआधी केलेले सूचक ट्वीट.
शशी थरूर यांनी बैठकीला जाण्याआधी केलेले सूचक ट्वीट.

खरगे म्हणाले - सिब्बल वकील आहेत, नेते नाहीत

राज्यसभेतील विरोधी पक्षनेते मल्लिकार्जुन खरगे यांनी बुधवारी रात्री असंतुष्ट नेत्यांच्या डिनर पार्टीवर जोरदार टीका केली होती. ते म्हणाले होते- कपिल सिब्बल हे चांगले वकील असतील, पण ते नेते नाहीत. त्यांनी आजपर्यंत एकाही गावात काँग्रेसला मजबूत केले नाही. अशा डिनरचे आयोजन केल्याने सोनिया गांधींवर परिणाम होणार नाही.

बातम्या आणखी आहेत...