35 दिवसांत ठग सुकेशचे पाचवे पत्र:म्हणाला- तुरुंगात माझ्यावर हल्ला, माझ्या पत्नीच्याही जीवाला धोका, दिल्लीबाहेरील तुरूंगात ठेवा

दिल्लीच्या मंडोली तुरुंगात बंद असलेल्या सुकेश चंद्रशेखर या गुंडाने पाचवे पत्र लिहिले आहे. सुकेशने त्याला आणि त्याच्या पत्नीला दिल्लीबाहेरील अन्य तुरुंगात हलवण्याची मागणी पत्रात केली आहे. 'आप'च्या नेत्यांकडून मला सतत धमक्या येत असल्याचे सुकेश म्हणाला. हे पत्र राज्यपाल व्ही. के. सक्सेना यांना लिहिले आहे. यामध्ये सुकेशने सीआरपीएफवर गंभीर आरोप केले आहेत. तो म्हणाला की, तुरूगांत सीआरपीएफचे जवान माझ्यावर हल्ला करतात. मला मारतात.

31 ऑगस्टला माझ्यावर प्राणघातक हल्ला झाला
सुकेशने पत्रात लिहिले की, तुरुंगात असलेल्या माझ्या पत्नीवरही तक्रार मागे घेण्यासाठी दबाव आणला जात आहे. कारागृह अधिकारी माझ्या पत्नीला शिवीगाळ करतात. ठग सुकेश म्हणाला की, 31 ऑगस्ट रोजी सीआरपीएफ जवानाने माझ्यावर हल्ला केला. या हल्ल्यात माझ्या डोक्याला दुखापत झाली आहे. माझ्यावर आरएमएल आणि जीटीबी हॉस्पिटलमध्ये उपचार सुरू आहेत. ठग पुढे मला आणि माझ्या पत्नीला अशा तुरुंगात पाठविले जावे. जिथे दिल्ली जेलच्या डीजीचे नियंत्रण नाही.

सुकेशचे एलजीला पहिले पत्र
7 ऑक्टोबर रोजी सुकेशने तुरुंगातून पहिले पत्र दिल्लीचे लेफ्टनंट गव्हर्नर व्ही के सक्सेना यांना लिहिले, जे 1 नोव्हेंबर रोजी बाहेर आले. त्यात सुकेशने कारागृहातील सुरक्षा आणि सोयीच्या नावाखाली जैन यांनी 10 कोटी रुपये उकळल्याचे सांगितले. ही रक्कम त्याच्या एका जवळच्या मित्रामार्फत घेतली होती. सुकेश म्हणाला की, आपण 'आप' ला 50 कोटी रुपये दिले होते आणि त्या बदल्यात पक्षाने दक्षिण भारतात जबाबदारी सोपवण्याचे आश्वासन दिले होते.

सुकेशचे दुसरे पत्र, उमेदवारीसाठी 50 कोटींची मागणी

5 नोव्हेंबरला सुकेशला दिल्लीच्या नायब राज्यपालांना दुसरे पत्र मिळाले. 3 पानी पत्रात सुकेशने लिहिले आहे की, जर मी ठग आहे, तर केजरीवाल एक महान ठग आहे. राज्यसभेच्या जागेसाठी त्यांनी माझ्याकडे 50 कोटींची मागणी केली होती. केजरीवाल यांच्या सूचनेनुसार मी असोला येथील फार्म हाऊसवर जाऊन कैलाश गेहलोत यांना 50 कोटी रुपये दिले होते. जी काही माहिती देण्यात आली आहे. ती खरी असून त्याची चौकशी होऊ शकते, असे सुकेशने म्हटले आहे. यासोबतच कर्नाटकात 500 कोटींच्या देणग्या गोळा करण्याची जबाबदारी पक्षाने माझ्यावर सोपवली होती.

सुकेशचे एलजीला तिसरे पत्र
यानंतर 7 नोव्हेंबरला सुकेशचे तिसरे पत्र आले. या पत्रात सुकेशने दावा केला आहे की, त्याला मंत्री सत्येंद्र जैन आणि जेलचे डीजी संदीप गोयल यांच्याकडून धमक्या येत होत्या. तुरुंगात त्यांच्या जीवाला धोका आहे. यामध्ये आम आदमी पार्टीमधील व्यवहाराची संपूर्ण माहितीही देण्यात आली होती. तसेच एलजीकडून या प्रकरणाची सीबीआय चौकशी करण्याची मागणी केली.

एलजीला सुकेशचे चौथे पत्र

8 नोव्हेंबरला एलजीला लिहिलेल्या पत्रात सुकेशने लिहिले की, मी एलजीसोबत मांडलेले मुद्दे खोटे ठरले. तर मी फाशी द्यायला तयार आहे. आरोप खरे ठरले तर ते आपल्या पदाचा राजीनामा देतील की राजकारणातून संन्यास घेणार का, असा सवाल केजरीवाल यांनी केला. सुकेश पुढे म्हणाला की, निवडणुकीदरम्यान मी ईडी आणि सीबीआयबद्दल का बोलतोय, असा प्रश्न मला विचारण्यात आला होता. वास्तविक, पूर्वी मी सर्व गोष्टींकडे दुर्लक्ष करण्याचा प्रयत्न करत होतो, पण तुरुंगात मला सतत धमक्या येत होत्या. मी खरं बोलतोय आणि कोणाला घाबरत नाही.

कोण आहे सुकेश चंद्रशेखर?
सुकेश चंद्रशेखर हा कर्नाटकातील बंगळुरू येथील रहिवासी आहेत. वैभवशाली जीवनशैली जगण्यासाठी त्याने वयाच्या 17 व्या वर्षापासून लोकांची फसवणूक सुरू केल्याचे सांगितले जाते. बंगळुरूमध्ये फसवणूक केल्यानंतर त्याने चेन्नई आणि इतर शहरातील लोकांनाही टार्गेट केले. राजकारणी, उद्योगपतींपासून ते बॉलीवूड सेलिब्रिटींपर्यंत त्यांचे लक्ष्य होते.

सुकेश चंद्रशेखर 2017 पासून मंडोली कारागृहात बंद आहे. मध्यंतरी त्याला तिहारला हलविण्यात आले. सुकेशने सत्येंद्र जैन यांच्याविरोधात उच्च न्यायालयातही तक्रार केली आहे. त्यावर पुढील महिन्यात सुनावणी होणार आहे. आप सरकारचे मंत्री सत्येंद्र जैन हे देखील मनी लाँड्रिंग प्रकरणात 6 महिन्यांसाठी तिहार तुरुंगात आहेत.