आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Sukma Encounter Latest Update | 15 Jawans Missing, Jawans Who Died In Encounter Recovered, HM Amit Shah, PM Modi, CRPF, Naxal Encounter

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

छत्तीसगढमध्ये नक्षली हल्ला:बिजापुरमध्ये 30 जवान शहीद झाल्याची शक्यता; घटनास्थळी 20 जणांचे मृतदेह, 24 तासांनंतरही पोहोचली नाही रेस्क्यू टीम

जगदलपुर8 दिवसांपूर्वी
  • कॉपी लिंक
  • नक्षलवाद्यांनी जवानांवर तिन्ही बाजूंनी गोळीबार केला होता

बस्तरच्या बीजापुरमध्ये शनिवारी नक्षलवाद्यांनी 700 जवानांना घेरुन हल्ला केला. बीजपूर एसपींनी सांगितले की, हल्ल्यात 22 जवान शहीद झाले आहेत. खरेतर ही संख्या 30 झाल्याची शक्यता आहे. ग्राउंड झीरोचा व्हिडिओ समोर आला आहे, यामध्ये 20 जवानांचे मृतदेह घटनास्थळी दिसत आहेत. येथे रेस्क्यू टीम अजुनही पोहोचलेली नाही.

20 दिवसांपूर्वी मिळाही होती मोठ्या प्रमाणात नक्षलावादी उपस्थित असल्याची माहिती
बिजापुरमधील तर्रेम भागात जोनागुडा टेकड्यांजवळ नक्षलवाद्यांनी सुमारे 700 सैनिकांना घेरले होते. तीन तासाच्या चकमकीत 9 नक्षलवादीही ठार झाले आहेत. सुमारे 30 जवान जखमी झाले आहेत. चकमकीनंतर 21 जवान बेपत्ता आहेत. भास्करला मिळालेल्या माहितीनुसार, सीआरपीएफचे सात कर्मचारी आणि छत्तीसगडचे 15 पोलिस कर्मचारी अद्याप बेपत्ता आहेत. ज्या ठिकाणी चकमकी झाली त्या भागात नक्षलवाद्यांच्या फर्स्ट बटालियनचा परिसर आहे. 20 दिवसांपूर्वी यूएव्ही छायाचित्रांमधून मोठ्या संख्येने नक्षलवाद्यांची उपस्थितीची माहिती मिळाली होती.

नक्षलवाद्यांनी जवानांवर तिन्ही बाजूंनी गोळीबार केला
सुरक्षादलांना जोनागुडाच्या टेकड्यांवर नक्षलवाद्यांनी तळ ठोकल्याची माहिती मिळाली होती. शुक्रवारी रात्री सीआरपीएफच्या कोब्रा कमांडोज, सीआरपीएफ बस्तरिया बटालियन आणि विशेष टास्क फोर्सच्या दोन हजार जवानांनी कारवाई सुरू केली. परंतु शनिवारी नक्षलवाद्यांनी 700 सैनिकांना घेराव घातला आणि तीन बाजूंनी गोळीबार केला.

पोलिस महानिरीक्षक पी. सुंदरराज म्हणाले की, कोंटा क्षेत्र समिती, पालमेड क्षेत्र समिती, जागरगुंडा क्षेत्र समिती आणि बासागुडा क्षेत्र समितीमधील 180 नक्षलवादी व्यतिरिक्त सुमारे 250 नक्षलवादी होते. नक्षलवाद्यांनी मृतदेह दोन ट्रॅक्टरमध्ये नेल्याची माहिती मिळाली आहे.

अधिकाऱ्यांनी मोठा हल्ला होण्याची शक्यता वर्तवली होती
बिजापूर-सुकमा जिल्ह्याचा सीमा भाग जोनागुडा नक्षल्याचा प्रमुख परिसर आहे. नक्षलवाद्यांची बटालियन आणि बर्‍याच प्लाटून येथे नेहमीच असतात. या संपूर्ण भागाची कमान नक्षलवादी सुजाथा या महिलेच्या ताब्यात आहे. जवानांवर नक्षलवाद्यांचा मोठा हल्ला होण्याची शक्यता अधिकाऱ्यांनी अधित वर्तवली होती. याच कारणामुळे संपूर्ण भागात दोन हजाराहून अधिक सैनिक उभे होते.

पहिल्या गोळीबारात त्यांना मोठे नुकसान झाले. पण, सैनिकांनी आपले धैर्य गमावले नाही आणि तीनपेक्षा जास्त नक्षलवाद्यांना ठार करत नक्षलवाद्यांचा घेराव तोडून काढला. जखमी सैनिक आणि शहीदांचे मृतदेहही नक्षलवाद्यांमधून बाहेर काढले गेले. शहीद जवान 2-2 बस्तरिया बटालियन आणि डीआरजी व एक कोबरा येथील आहेत.

सीआरपीएफचे डीजी छत्तीसगडमध्ये दाखल झाले
दरम्यान, सीआरपीएफचे महासंचालक कुलदीप सिंग छत्तीसगडला पोहोचले आहेत. यावेळी ते परिस्थितीचा आढावा घेतील. बिजापूरमध्ये कारवाईनंतर गृहमंत्रालयाने त्यांना त्या ठिकाणी जाण्याची सूचना केली. गृहमंत्री अमित शहा विजापूरला डीजी पाठवण्याबरोबर छत्तीसगडच्या मुख्यमंत्र्यांच्या संपर्कात आहेत.
पंतप्रधान मोदींनी शोक व्यक्त केला
पंतप्रधान नरेंद्र मोदी यांनी सैनिक शहीत झाल्यावर शोक व्यक्त केला आहे. ते म्हणाले की सैनिकांचे बलिदान कधीही विसरणार नाही. छत्तीसगडमध्ये शहीद झालेल्या सैनिकांच्या कुटूंबियांबद्दल मी संवेदना व्यक्त करतो. शूर हुतात्म्यांचे बलिदान कधीही विसरणार नाही. जखमी लवकर बरे व्हावे अशी प्रार्थनाही त्यांनी केली आहे.

बातम्या आणखी आहेत...