हैदराबाद:तेलुगू अभिनेत्री विजया शांतीचा भाजपत प्रवेश; अमित शहांची घेतली होती भेट

चित्रपटसृष्टीतून राजकारणात आलेली तेलुगू अभिनेत्री विजया शांतीने सोमवारी भाजपमध्ये प्रवेश केला. हैदराबाद मनपा निवडणुकीतील यशानंतर विजया शांतीने भाजपची वाट धरल्याचे बोलले जात आहे. भाजपकडून २०२३ मधील तेलंगण विधानसभा निवडणुकीची तयारी सुरू असताना हा प्रवेश महत्त्वाचा मानला जात आहे.

यंदाच्या निवडणुकीत टीआरएसनंतर भाजप दुसरा मोठा पक्ष ठरला आहे. विजया शांतीने एक दिवसापूर्वी केंद्रीय गृहमंत्री अमित शहांची भेट घेतली होती. यामुळे तिच्या भाजप प्रवेशाची शक्यता वर्तवली जात होती. हैदराबाद महानगरपालिका निवडणुकीतील पराभवानंतर विजया शांतीने काँग्रेसला रामराम ठोकला होता.