आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जम्मू-कश्मीरमध्ये नेत्यांवर निशाणा:नौगाममध्ये भाजप नेत्याच्या घरावर दहशतवादी हल्ला, सुरक्षा रक्षक शहीद; 2 दिवसांपूर्वी सोपोरमध्ये नगरसेवकांवर झाला होता गोळीबार

श्रीनगरएका वर्षापूर्वी
  • कॉपी लिंक
  • अनवर हे बारामुल्लाचे जिल्हा सरचिटणीस तसेच कुपवाडा प्रभारी आहेत

श्रीनगरमधील नौगाममध्ये भाजप नेते अन्वर खान यांच्या घरावर गुरुवारी दहशतवादी हल्ला झाला. या हल्ल्यात तेथे तैनात असलेला एक सुरक्षा रक्षक जखमी झाला. त्याला तातडीने रुग्णालयात नेण्यात आले, परंतु त्यांचा मृत्यू झाला. अनवर हे बारामुल्लाचे जिल्हा सरचिटणीस तसेच कुपवाडा प्रभारी आहेत. या हल्ल्यानंतर दहशतवाद्यांचा शोध घेण्यासाठी हा परिसरात घेराबंदी करण्यात आली आहे.

दोन दिवसांपूर्वी सोपोर नगर परिषद कार्यालयावर दहशतवादी हल्ला झाला होता यापूर्वी सोमवारी जम्मू-काश्मीरमधील बारामुल्ला जिल्ह्यातील सोपोर भागातील नगर परिषद कार्यालयावर अतिरेक्यांनी गोळीबार केला होता. हल्ल्याच्या वेळी नगरसेवकांची कार्यालयात मिटींग सुरू होती. गोळी लागल्याने नगरसेवक रियाझ अहमद यांचा जागीच मृत्यू झाला, तर उपचारादरम्यान नगरसेवक शम्सुद्दीन यांचा मृत्यू झाला. या हल्ल्यात एक पोलिस शफाकत अहमदही शहीद झाले होते.

4 पोलिसांना निलंबित करण्यात आले
काश्मीरचे आयजी विजय कुमार यांनी एसएसपी सोपोर यांना घटनास्थळी उपस्थित असलेल्या 4 पोलिसांना (PSO) निलंबित करण्याचे निर्देश दिले. ते म्हणाले की, हे चार पोलिस दहशतवाद्यांविरूद्ध योग्य रीतीने प्रत्युत्तर देऊ शकले नाहीत.

गेल्या महिन्यात श्रीनगरमध्ये पोलिस पार्टीवर उघडपणे गोळीबार झाला होता
मागील महिन्याच्या सुरुवातीला श्रीनगरमध्ये एका दहशतवाद्याने पोलिस दलावर गोळीबार केला होता. यात 2 सैनिक शहीद झाले. बागत परिसरातील बारजुल्ला येथे ही घटना घडली होता. हा हल्ला दुकानावर बसविलेल्या सीसीटीव्ही कॅमेऱ्यात कैद झाला आहे.

बातम्या आणखी आहेत...