आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Third Wave Of Coronavirus Situation India Update; Health Ministry Joint Secretary Lav Agarwal On COVID

कोरोनादरम्यान गर्दी अनलॉक:निष्काळजीपणावर आरोग्य मंत्रालयाने फटकारले - कोरोनाच्या तिसऱ्या लाटेविषयी सांगतो, तर लोकांना वाटते हवामानाचे अपडेट देतोय

नवी दिल्ली23 दिवसांपूर्वी
  • कॉपी लिंक
  • जगात तिसरी लाट आली आहे : पॉल

आरोग्य मंत्रालयाने मंगळवारी देशातील हिल स्टेशन आणि बाजारपेठेत वाढती गर्दी पाहून चिंता व्यक्त केली. आरोग्य मंत्रालयाचे सहसचिव लव्ह अग्रवाल म्हणाले की कोरोनाचे गांभीर्य लोकांना समजत नाही. जेव्हा आम्ही तिसऱ्या लाटेविषयी बोलतो तेव्हा त्यांना असे वाटते की आम्ही हवामान अपडेट देत आहोत. कदाचित म्हणूनच कोरोना प्रोटोकॉलशिवाय बर्‍याच ठिकाणी गर्दी दिसत आहे.

जगात तिसरी लाट आली आहे : पॉल
दरम्यान नीती आयोग्याचे सदस्य (आरोग्य) डॉ. व्हीके पॉल यांनी सांगितले की, जगातील अनेक देशांमध्ये तिसरी लाट दिसत आहे. अशा वेळी आपल्याला ठरवावे लागेल की, तिसऱ्या लाटेचा परिणाम भारतात होऊ नये. त्यांनी म्हटले की, यावेळी दररोज जगभरात 3.90 लाख नवीन केस समोर येत आहेत. तर दुसऱ्या लाटेदरम्यान 9 लाख केस समोर येत होते. पंतप्रधान नरेंद्र मोदींनीही स्पष्ट म्हटले आहे की, तिसरी लाट कधी येईल, यावर चर्चा करण्याऐवजी आपण याच्या दक्षतांवर लक्ष द्यायला हवे.

आरोग्य मंत्रालयाच्या महत्त्वाच्या गोष्टी

  • देशात यावेळी 4.31 लाख अॅक्टिव्ह रुग्ण आहेत आणि रिकव्हरी रेट 97.3% आहे. या दरम्यान देशातील 73 असे जिल्हे आहेत, जेथे दररोज 100 पेक्षा जास्त नवीन केस मिळत आहेत. 2 जूनला अशा जिल्ह्यांची संख्या 262 होती आणि त्यापूर्वी 4 मे रोजी 531 जिल्हे असे होते.
  • देशात कोरोनाचे कमी होत असलेल्या प्रकरणांमध्ये केरळ-महाराष्ट्रासह 5 राज्यांमध्ये सर्वात जास्त प्रकरणे समोर येत आहेत. या दरम्यान 50% पेक्षा जास्त नवीन केस केवळ केरळ आणि महाराष्ट्रात मिळत आहेत. या दोघांव्यतिरिक्त तामिळनाडू, आंध्र प्रदेश आणि ओडिशामध्येही सर्वात जास्त प्रकरणे समोर येत आहेत.
  • यासोबतच मणिपूर, मिझोरम, त्रिपुरा आणि अरुणाचलमध्येही नवीन प्रकरणे वाढत आहेत. राज्यांना मदत करण्यासाठी केंद्राकडून 11 राज्यांत टीम पाठवण्यात आले आहेत. यामध्ये ईशान्येकडील राज्यांव्यतिरिक्त महाराष्ट्र, छत्तीसगड, केरळ आणि ओडिशाचा समावेश आहे.

पंतप्रधान मोदींनीही यावर आक्षेप घेतला
तत्पूर्वी पंतप्रधान नरेंद्र मोदी यांनीही मंगळवारी चिंता व्यक्त केली आणि सांगितले की हिल स्टेशन, बाजारपेठेत मास्क आणि प्रोटोकॉलशिवाय प्रचंड गर्दी जमवणे योग्य नाही. ही आमच्यासाठी चिंतेची बाब आहे. काही लोक म्हणतात की तिसरी लाट येण्यापूर्वीच त्यांना एन्जॉय करायचा आहे.

ते म्हणाले, 'लोकांना समजून घ्यावं लागेल की तिसरी लाट आपोआप येणार नाही. आज असा प्रश्न असा असायला हवा की, तिसरी लाट येण्यापासून कसे रोखले पाहिजे? प्रोटोकॉलचे कसे पालन करावे? कोरोना स्वत: येत नाही, कोणीतरी जाऊन ते आणले तर येतो. जर आपण सावधगिरी बाळगली तर आपण तिसरी लाट देखील थांबवू.

बातम्या आणखी आहेत...