आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Twitter Controversy Vs India New It Rules; Parliamentary Panel Summons To Twitter Representatives

ट्विटरला समन:संसदीय स्थायी समितीचे ट्विटरच्या प्रतिनिधींना 18 जून रोजी हजर राहण्याचे निर्देश; नवीन IT नियमांवर होईल चर्चा

नवी दिल्ली4 महिन्यांपूर्वी
  • कॉपी लिंक
  • IT नियम आणि नुकत्याच झालेल्या घटनांवर चर्चा

केंद्र सरकार आणि ट्विटरदरम्यान सुरू असलेल्या वादादरम्यान इन्फॉर्मेशन टेक्नोलॉजीवर पार्लियामेंट्री स्टँडिंग कमेटीने मायक्रो-ब्लॉगिंग प्लॅटफॉर्म ट्विटरच्या प्रतिनिधींना 18 जूनला हजर राहण्याचे निर्देश दिले आहेत. यावेळी नवीन IT नियमांवर चर्चा होईल.

ANI वृत्तसंस्थेने दिलेल्या माहितीनुसार, ट्विटरला नागरिकांच्या अधिकारांची सुरक्षा, सोशल किंवा ऑनलाइन न्यूज मीडिया प्लॅटफॉर्मचा चुकीचा वापर थांबवणे आणि डिजिटल स्पेसमध्ये महिला सुरक्षेच्या मुद्द्यांवर समन पाठवला आहे. कमेटीच्या अध्यक्षस्थानी तिरुवनंतपुरमचे काँग्रेस खासदार शशी थरूर आहेत.

IT नियम आणि नुकत्याच झालेल्या घटनांवर चर्चा

मीडिया रिपोर्टनुसार, कमेटी IT नियम आणि नुकत्याच झालेल्या काही घटनांवर चर्चा करेल. यात मॅनिपुलेटेड मीडिया वाद आणि ट्विटर इंडियाच्या अधिकाऱ्यांशी दिल्ली पोलिसांच्या चौकशीची प्रकरणे सामील आहेत. कमेटीने मिनिस्ट्री ऑफ इलेक्ट्रॉनिक्स अँड इन्फॉर्मेशन टेक्नोलॉजी (MeitY) च्या अधिकाऱ्यांनाही बोलावले आहे. कमेटीला या वादांवर मंत्रालयाची बाजू ऐकायची आहे.

टूलकिट प्रकरणी वाद

टूल किट प्रकणांवर केंद्र सरकारने ट्विटरला कटक शब्दात सुनावले होते. सरकारने ट्विटरला म्हटले होते की, ट्विटरने मॅनिपुलेटेड मीडिया टॅगचा वापर बंद करावा. केंद्रीय IT मंत्रालयाने म्हटले होते की, आम्ही टूलकिट प्रकरणाचा तपास करत आहोत, ट्विटरचा नाही.

बातम्या आणखी आहेत...