आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Two Years Later, Prime Minister Modi Visited His 100 year old Mother,Took Blessings By Touching Feet, Ate Khichdi Together | Marathi News

आईसोबत मोदी:दोन वर्षांनंतर पंतप्रधान मोदींनी 100 वर्षीय आईची घेतली भेट, पायाला स्पर्श करून घेतला आशीर्वाद, एकत्र खाल्ली खिचडी

7 महिन्यांपूर्वी
  • कॉपी लिंक

पंतप्रधान नरेंद्र मोदी दोन दिवसीय गुजरात दौऱ्यावर आहेत. दौऱ्याच्या पहिल्या दिवशी शुक्रवारी अहमदाबादमध्ये भव्य रोड शो केल्यानंतर पंतप्रधान मोदी रात्री 9 वाजता त्यांच्या घरी पोहोचले. येथे त्यांची आई हिराबेन यांची भेट घेतली. आईचे चरणस्पर्श करून आशीर्वाद घेतले. नंतर आई आणि मुलाने एकत्र बसून खिचडी खाल्ली. हे फोटो सोशल मीडियावर सध्या व्हायरल होत आहेत.

पंतप्रधान मोदींनी दोन वर्षांनी आई हीराबेन यांची भेट घेतली. यापूर्वी ऑक्टोबर 2019 मध्ये ते त्यांच्या आईला भेटला होते. नंतर व्यस्त वेळापत्रकामुळे ते आईला भेटू शकले नव्हते. मात्र, ते रोज सकाळी आईशी फोनवर बोलतात.

कोरोनाविरुद्धच्या लढ्याबद्दल ग्रामस्थांचे कौतुक केले
याआधी त्यांनी 10 किलोमीटर लांबीचा रोड शो केला. भाजप कार्यकर्त्यांच्या भेटीनंतर त्यांनी जाहीर सभेलाही संबोधित केले. मोदी म्हणाले- कोरोनाने संपूर्ण जगाची स्थिती बिघडवली आहे. गुजरातमध्येही कोरोना गावोगावी पोहोचला, पण कोरोना गावकऱ्यांवर विजय मिळवू शकला नाही. कारण, गावकऱ्यांनीच त्याविरुद्ध लढण्यासाठी नवे नियम केले. जे गावाबाहेर होते त्यांना बाहेर ठेवण्यात आले. जे आत होते त्यांनी त्यांना आतच ठेवले. या अप्रतिम व्यवस्थेमुळे कोरोनासारख्या साथीला गावात येऊ दिले नाही. त्याबद्दल मी ग्रामस्थांचे खूप खूप अभिनंदन करतो.

सुरुवातीला गुजराती भाषेत सरपंचांना संबोधित करताना मोदी म्हणाले - केम छो (कसे आहात?).

बातम्या आणखी आहेत...