महाराष्ट्राचे राजकीय संकट:गुवाहाटीमध्ये आमदार ज्या हॉटेलमध्ये थांबले, त्या हॉटेलवर पोलिस-CRPFचा पहारा; मीडियालाही प्रवेश नाही

अचानक आसामची राजधानी गुवाहाटी प्रसिद्धीच्या झोतात आली आहे. गुवाहाटी हे महाराष्ट्र सरकारच्या राजकारणातील वादळाचे केंद्र बनले आहे. मंगळवारी शिवसेनेचे नगरविकास मंत्री एकनाथ शिंदे 40 आमदारांसह सुरतहून येथे दाखल झाले. सर्व आमदार हॉटेल रॅडिसन ब्लूमध्ये मुक्कामी आहेत. हॉटेलच्या बाहेर आणि आत आसाम पोलिसांचा पहारा आणि CRPFचे जवानही हॉटेलबाहेर आहेत.

व्हिडिओ कॉन्फरन्सिंगद्वारे आमदार राज्यपालांशी संपर्क साधणार
हॉटेलमध्ये एकनाथ शिंदे आमदारांची बैठक घेत आहेत. संध्याकाळपर्यंत बैठकीतील निर्णयाची सर्वांना प्रतीक्षा आहे. शिंदे यांचा दावा आहे की, त्यांच्याकडे आता 46 आमदार आहेत आणि सायंकाळपर्यंत 50 आमदार होण्याची अपेक्षा आहे. या सर्व 46 आमदारांनी महाराष्ट्र सरकारचा पाठिंबा काढून घेतल्याच्या स्वाक्षऱ्या केल्या आहेत. हे पत्र महाराष्ट्राच्या राज्यपालांना पाठवण्यात येणार आहे. संध्याकाळी सर्व आमदार व्हिडिओ कॉन्फरन्सिंगद्वारे राज्यपालांशी संपर्क साधतील.

आमदार गुवाहाटीला जाण्याची काही कारणे...

काय आहे भाजपचा प्लॅन-बी
इथे काही अडचण आल्यास प्लॅन-बी अंतर्गत सर्व आमदारांना गुवाहाटीहून इम्फाळला नेले जाईल, अशी तयारीही भाजपने केली आहे.

ही घटना ईशान्येच्या राजकारणासाठी महत्त्वाची
यावेळी आसामच्या मुख्यमंत्र्यांचे महत्त्वाचे काम म्हणजे कोणत्याही आमदाराचा महाराष्ट्र सरकार किंवा काँग्रेस नेत्यांशी संपर्क होऊ न देणे. हिमंता हे करण्यात यशस्वी ठरले तर या यशाचा फायदा त्यांना होऊ शकतो.

आमदारांना गुवाहाटीत आणण्याचा निर्णय ईशान्येच्या राजकारणासाठी अत्यंत महत्त्वाचा मानला जात आहे. आसाममध्ये दुसऱ्यांदा भाजपचे सरकार आहे. ईशान्येकडील उर्वरित राज्यांमध्येही भाजपची स्थिती मजबूत आहे. ही घटना आणि आसाम भाजपची भूमिका या राज्यांमध्ये पक्षाची स्थिती आणखी मजबूत करू शकते.