आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Union Budget 2022 Political Reaction Updates; Rahul Gandhi, Mamata Banerjee To P Chidambaram

मी नेता, मला बजेट कसे वाटले:राहुल गांधी म्हणाले- मोदी सरकारचे हे शून्य बजेट, कुणालाही काहीही मिळाले नाही; पण भाजपसाठी अर्थव्यवस्थेला चालना देणारा अर्थसंकल्प

नवी दिल्ली4 महिन्यांपूर्वी
  • कॉपी लिंक

केंद्रीय अर्थमंत्री निर्मला सीतारामन यांनी मंगळवारी लोकसभेत चौथा केंद्रीय अर्थसंकल्प सादर केला. यामध्ये शेतकरी, विद्यार्थी आणि बेरोजगारांवर विशेष लक्ष देण्यात आले आहे. अर्थसंकल्पावर प्रतिक्रियाही येऊ लागल्या आहेत. भाजप सामान्य माणसाचा अर्थसंकल्प म्हणत असताना विरोधक मात्र, सरकारला फटकारण्याचा प्रयत्न करत आहेत. अर्थसंकल्पावर कोणत्या प्रकारच्या प्रतिक्रिया आल्या आहेत जाणून घेऊया.

पंतप्रधान मोदी म्हणाले- हा अर्थसंकल्प अर्थव्यवस्था मजबूत करेल

100 वर्षांच्या भीषण आपत्तीच्या काळात या अर्थसंकल्पाने विकासाचा नवा आत्मविश्वास दिला आहे, असे पंतप्रधान मोदी म्हणाले. या अर्थसंकल्पामुळे अर्थव्यवस्था मजबूत होण्यासोबतच सर्वसामान्यांसाठी अनेक नव्या संधी निर्माण होणार आहेत. पंतप्रधान म्हणाले की, हा अर्थसंकल्प अधिक पायाभूत सुविधा, अधिक गुंतवणूक, अधिक विकास आणि अधिक नोकऱ्यांच्या नवीन शक्यतांनी परिपूर्ण आहे.

त्याचवेळी, काँग्रेस पक्षाने म्हटले की, 'मोदी सरकारच्या आर्थिक धोरणांमुळे जनतेलाही त्रास सहन करावा लागला आहे, परिणामी उपभोग खर्चात लक्षणीय घट झाली आहे. आर्थिक सर्वेक्षण 2022 च्या आकडेवारीने मोदी सरकारचे अपयश उघड केले आहे.

'मोदी सरकारचे बजेट शून्य! - राहुल गांधी
काँग्रेस नेते राहुल गांधी यांनी ट्विट केले की, 'मोदी सरकारचे बजेट शून्य! पगारदार वर्ग, मध्यमवर्गीय, गरीब आणि वंचित, तरुण, शेतकरी आणि एमएसएमईसाठी काहीही नाही.

पायाभूत सुविधांना चालना देणारा अर्थसंकल्प -

केंद्रीय रस्ते आणि वाहतूक मंत्री नितीन गडकरी म्हणाले की, हा अर्थसंकल्प देशातील आधुनिक पायाभूत सुविधांना चालना देणारा अर्थसंकल्प आहे, जो नवीन भारताचा पाया रचेल आणि 130 कोटी भारतीयांचे जीवनमान सुधारेल. त्याचबरोबर केंद्रीय गृहमंत्री अमित शहा यांनी याला दूरदर्शी अर्थसंकल्प म्हटले आहे.

अर्थसंकल्पाचे स्वागत -

उत्तर प्रदेशचे मुख्यमंत्री योगी आदित्यनाथ यांनी अर्थसंकल्पाचे स्वागत केले. तर बसपा सुप्रीमो मायावती यांनी हा अर्थसंकल्प जनतेला आकर्षित करणारा अर्थसंकल्प असल्याचे म्हटले आहे.​​​​​​​

शून्य बजेट -

बंगालच्या मुख्यमंत्री ममता बॅनर्जी यांनी या बजेटला शून्य म्हटले आहे. त्याचवेळी, मध्य प्रदेशचे मुख्यमंत्री शिवराज सिंह चौहान यांनी हे माणसाच्या आकांक्षा आणि आशा पूर्ण करणारे असल्याचे म्हटले आहे.

बातम्या आणखी आहेत...