जूनमध्ये पीएमचा अमेरिका दौरा:अमेरिकी राष्ट्राध्यक्ष बायडेन तिसऱ्यांदा मोदींना डिनर देणार

पंतप्रधान मोदी जूनमध्ये अमेरिकेच्या दौऱ्यावर जाणार आहेत. यादरम्यान अमेरिकेचे राष्ट्राध्यक्ष बायडेन त्यांना स्टेट डिनरसाठी निमंत्रण देऊ शकतात. तसे झाल्यास पीएम मोदी तिसऱ्यांदा बायडेन यांचे पाहुणे होतील. दौऱ्याची तारीख अद्याप ठरलेली नाही. ब्लूमबर्गनुसार, मोदींचा हा अधिकृत दौरा भारताचे अमेरिकेसोबतचे संबंध मजबूत होण्याचे संकेत आहेत. कारण, बायडेन प्रशासन चीनकडून उत्पन्न होणाऱ्या धोक्याचा सामना करण्यासाठी मुक्त व खुल्या हिंद-प्रशांतच्या धोरणावर पुढे जाण्यासाठी भारताला महत्त्वाचा भागीदार मानतो.दोन्ही नेत्यांची क्वाड परिषदेमध्येही भेट होईल. शिवाय सप्टेंबरमध्ये भारत जी-२० चे यजमानपद भूषवत आहे.