आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Uttar Pradesh Barabanki Coronavirus Situation Report; WHO On Yogi Adityanath COVID Management

UP मध्ये डॅमेज कंट्रोलचे फेक मॉडल:योगी सरकारचा दावा - खेड्यांतील कोरोना व्यवस्थापनाचे WHO लाही कौतुक; प्रत्यक्षात गावात औषधे, चाचण्याही नाही, मृतांची गणनाही करु शकत नाही

लखनौएका महिन्यापूर्वी
  • कॉपी लिंक
  • आम्ही यूपीच्या 9 जिल्ह्यांच्या गावांमधून सरकारच्या कोविड व्यवस्थापनाच्या दाव्यांची पडताळणी केली
  • गावातील लोकांनी म्हटले की, रिपोर्ट पॉझिटिव्ह आल्यानंतर आरोग्य विभागाकडून एक कॉलही येत नाही

यूपीमध्ये कोरोनाच्या दुसर्‍या लाटेमुळे परिस्थिती अनियंत्रित झाली आहे. हे संक्रमण शहरातून खेड्यापर्यंत गेले आहे. प्रत्येक गावात प्रत्येक घरात दोन ते तीन जण तापाने ग्रस्त आहेत. येथे औषध किंवा चाचणीही नाही. असे असूनही, योगी सरकार स्वत: ची पाठ थोपटण्यात कोणतीही कसर सोडत नाही. त्यांचे म्हणणे आहे की राज्यातील खेड्यांमधील कोरोनाच्या सूक्ष्म व्यवस्थापनाची जगभरात प्रशंसा होत आहे. अगदी डब्ल्यूएचओ (जागतिक आरोग्य संस्था) लाही योगींच्या कोविड व्यवस्थापनाची खात्री पटली आहे. डब्ल्यूएचओचे ट्विटही सरकारने रिट्विट केले आहे.

WHO च्या हवाल्याने काय म्हटले जात आहे?
सरकारच्या प्रसिद्धी पत्रकात म्हटले आहे की डब्ल्यूएचओने 10 हजार घरांपर्यंत पोहोचून योगींच्या कोविड व्यवस्थापनाचे मॉडेल पाहिले. ही परिस्थिती पाहून योगी सरकारच्या कोविड व्यवस्थापनाची डब्ल्यूएचओला खात्री पटली आहे. ग्रामीण भागात 60 हजाराहून अधिक देखरेख समित्यांचे 4 लाख सदस्य कोरोनाविरूद्ध भिंत म्हणून उभे आहेत. खेड्यांमध्ये आरोग्य विभागाची 1.41 लाख पथके जाऊन तपासणी करत आहेत. मात्र, भास्करने डब्ल्यूएचओ कार्यालयातून माहिती मागितली असता त्यांनी नकार दिला.

'कोरोनाला रोखण्यासाठी तळागाळापर्यंत पोहोचत आहे यूपी सरकार' - या प्रशंसनेने WHO वरही उपस्थित होत आहेत सवाल?

  1. सरकारचा दावा आहे की, 75 जिल्ह्यांच्या 97,941 गावांमध्ये प्रत्येक घरापर्यंत पोहोचले आहे. कोरोनाच्या चाचण्यांसह आयसोलेशन आणि मेडिकल किटची सुविधाही उपलब्ध करण्यात येत आहे. मग गावांमध्ये एवढ्या मोठ्या प्रमाणात मृत्यू का होत आहेत? कुणाची चाचणी केली आणि उपचार केले, डब्ल्यूएचओने गंगेत वाहत असणारे मृतदेह पाहिले आहेत?
  2. सरकारचा दावा आहे की, आरोग्य विभागाच्या 1 लाख 41 हजार 610 टीम गावात कोविड व्यवस्थापनासाठी काम करत आहे. आरोग्य विभागात एवढे लोक कुठे आहेत, मग रुग्णालयांमध्ये उपचार कोण करत आहे?
  3. सरकार स्वतः 1.41 लाख टीममध्ये काम करण्याचा दावा करत आहे तर WHO ने केवळ 2000 टीमच्या कामाची पाहणी करत संपूर्ण राज्यासाठी सर्टिफिकेट कसे दिले?
  4. WHO हे का स्पष्ट करत नाही की, त्यांनी ज्या 2 हजार टीमच्या कामाची पाहणी केली आणि 10 हजार घरांपर्यंत पोहोचून फीडबॅक घेतला, त्यांनी हे कसे केले? त्यांच्याजवळ एवढी संसाधने कशी आली आणि किती दिवसात त्यांनी हे काम केले?
  5. केंद्रीय आरोग्य मंत्री डॉ. हर्षवर्धन डब्ल्यूएचओचे कार्यकारी अध्यक्षही आहेत, यूपीमध्येही भाजपचे सरकार आहे, फक्त याच कारणामुळे तर वाहवाह केली जात नाहीये ना?

रियलिटी चेक
सत्य जाणून घेण्यासाठी भास्करने 9 जिल्ह्यांच्या गावांमधून आढावा घेतला आहे. यामध्ये पाहा सत्य परिस्थिती नेमकी आहे आहे. वास्तविकता अशी आहे की कोरोना सतत उत्तर प्रदेशातील खेड्यात पसरत आहे. खेड्यांमधील मृतांची संख्या भयावह आहे. ताप आणि त्यानंतरच्या मृत्यूमुळे लोक घाबरले आहेत. राजधानी लखनौच्या ग्रामीण भागातील आणि शेजारच्या बाराबंकी जिल्ह्यातील अनेक खेड्यांमध्ये अद्याप कोणतीही सरकारी पथक पोहोचले नाही आणि तपासही झालेला नाही.

1. लखनौ : डिघारी गावात 80% कुटुंब तापेच्या विळख्यात
लखनौपासून 40 कि.मी. अंतरावर डिघारी या गावची लोकसंख्या 1,500 आहे. येथे गेल्या एका महिन्यात 80% कुटुंबांना ताप, सर्दी, अंगदुखी आणि श्वास घेण्यास त्रास यासारख्या समस्या उद्भवल्या आहेत. गावकरी म्हणतात की सर्व लक्षणे कोरोनाची होती, परंतु चाचणीच केली जात नाही तेव्हा आमच्या सर्वांना कोरोना होता असा दावाही करता येणार नाही. गाव प्रमुख म्हणतात की आता काही दिवसांपासून ताप येणे कमी झाले आहे, परंतु गेल्या दोन दिवसात 2 लोकांचा मृत्यू झाला आहे. गावातील रेणू सिंह म्हणतात की त्याच्या कुटुंबात 11 लोक आहेत. चाचणी घेतल्यानंतर सहा जण पॉझिटिव्ह आले आहेत. आरोग्य पथकांना याची माहितीही नाही.

कोरोनामुळे फैजाबाद रोडला लागून सेमरा गावची अवस्था अत्यंत नाजूक आहे. गावातील बृजलाल म्हणतात की प्रत्येक घरात 2-4 लोक आजारी आहेत. मागील 15-20 दिवसांपासून, दररोज कोणत्या ना कोणत्या व्यक्तीचा मृत्यू झाला आहे. माझ्या माहितीनुसार, 18 मृत्यू झाले आहेत. असे बरेच लोक आहेत जे घरीच ऑक्सिजन सिलिंडर मिसळून उपचार घेत आहेत. यानंतरही अद्यापपर्यंत आरोग्य विभागाची कोणतीही टीम आली नाही.

अशीच परिस्थिती चिनहटच्या खरगापूर गावात आहे. गावप्रमुखांचे पती किरण प्रकाश विश्वकर्मा यांचे म्हणणे आहे की, 17 दिवसांत 28 मृत्यू झाले आहेत. गावाची लोकसंख्या सुमारे 20 हजार आहे, परंतु लोकांची तक्रार आहे की वैद्यकीय पथके एकदाही आलेली नाहीत.

2. बनारस : एक-एक करुन लोकांचा होत आहे मृत्यू, प्रशासनाची टीमही येत आहे, पण दिलासा नाही
पंतप्रधान नरेंद्र मोदी यांच्या संसदीय मतदारसंघ वाराणसीच्या खेड्यांमध्ये कोरोना विषाणूची लागण झालेल्या लोकांची संख्या झपाट्याने वाढली आहे. 9 एप्रिलपासून सारनाथ भागातील तिलमपूर गावात एकाच कुटुंबातील 5 जणांचा कोरोनामुळे मृत्यू झाला आहे. त्यानंतर गावात खळबळ उडाली आहे. टिळमपूरचे माजी प्रमुख नागेश्वर मिश्रा यांचे म्हणणे आहे की आता प्रशासन सक्रिय झाले आहे, घरोघरी आरोग्य पथकही येत आहे.

दुसरीकडे, लोहता पोलिस ठाण्यातील कोरौता गावात एका महिन्यात 12 जणांचा मृत्यू झाला आहे. गावातील आलोक सिंह म्हणतात की आरोग्य विभागाची टीम येत आहे, पण मृत्यूची साखळी थांबवली पाहिजे. सारौनी गावचे रहिवासी अ‍ॅडव्होकेट संदीप सिंह म्हणाले की, नुकताच मी माझा मोठा भाऊ अजितसिंग गमावला आहे. दिल्लीहून कुटुंबे गावी आली आहेत. इतरही अनेकजण संक्रमित आहेत. वाराणसीच्या 8 ब्लॉकमधील प्रत्येक गावात कोरोनाचा प्रभाव आहे. यानंतरही लोक चाचणी करायला घाबरत आहेत.

3. कानपूर : रामनगरच्या प्रत्येक घरात ताप, 5 हजारांचे लोकसंख्या आणि महिनाभरात 20 मृत्यू
कानपूर ग्रामीण भागातील रामनगर गाव एक महिन्यापासून कोरोनाच्या विळख्यात आहे. इथल्या प्रत्येक घरात ताप आणि खोकल्याचे रुग्ण आहेत. 5 हजार लोकसंख्या असलेल्या या गावात आतापर्यंत 20 लोकांचा मृत्यू झाला आहे. गावात अशी भीती आहे की लोक घराबाहेर पडत नाहीत. आतापर्यंत गावात फक्त 40 जणांची चाचणी घेण्यात आली आहे.

पंचायत निवडणुकांमुळे परिस्थिती अधिकच बिकट झाली. गावात राहणाऱ्या रजनीकांतची आई रागिनी (वय 63) 15 एप्रिल रोजी मत देऊन आली होती, त्यानंतर त्यांची प्रकृती खालावली. तीव्र ताप आणि श्वासोच्छवासाच्या त्रासामुळे त्यांना हैलट रुग्णालयात दाखल करण्यात आले पण त्यांचा मृत्यू झाला.

आरोग्य विभाग व जिल्हा प्रशासन यांना गावातील परिस्थितीची पूर्ण माहिती आहे. असे असूनही, सँपलिंगच्या नावाखाली केवळ 40 जणांची कोरोना चाचणी घेण्यात आली आहे. मात्र गावातील प्रत्येकाला कोरोना चाचणीची आवश्यकता आहे. रामनगरचे अजय पांडे सांगतात करतात की, 15 एप्रिल रोजी पंचायत निवडणुका घेण्यात आल्या. 16 एप्रिलपासून ताप येऊ लागला. 19 रोजी, कोरोना अहवाल पॉझिटिव्ह आला. मी कोरोना कंट्रोल सेंटर वरून सीएचसीला फोन केला, पण मला काही सपोर्ट मिळाला नाही. मृत्यूमुळे घाबरलेले गावकरी आता ताप लपवत आहेत. काहीजण म्हणतात की हा सौम्य ताप आहे तर काहीजण टायफाइड असल्याचे सांगत आहेत.

4. मेरठ : निर्जन रस्ते, बाहेरच्या व्यक्तीस येथे येण्यास परवानगी नाही
मेरठमधील कोरेनाचा कहर शहरापासून खेड्यात पोहोचला आहे. दौराळा भागातील मातूर गावात सर्वाधिक मृत्यूची नोंद झाली आहे. 6,500 लोकसंख्या असलेल्या या गावात बहुतेक लोकांना कोरोनासारखे लक्षण होते. आणि गेल्या 25 दिवसात येथे 17 लोकांनी प्राण गमावले आहेत. अजूनही गावातील बहुतेक घरात लोकांना ताप आहे. त्यांच्यावर गावातच उपचार सुरू आहेत.

लोकांना ताप आहे, परंतु त्यांची तपासणी होत नाही. त्यांना भीती वाटते. कोरोनामुळे परिस्थिती भयावह बनत आहे. अशा परिस्थितीत, जर लोक जागरुक नसतील, तर कोरोना संक्रमणाने स्थिती अधिकच बिघडेल. पंचायत निवडणुका झाल्यापासून गावांमध्ये कोरोनाची प्रकरणे वाढू लागली आहेत.

नारंगपूर, छुर, हार्रा, सरूरपूरसह अनेक खेड्यांमधील मृत्यू हे आरोग्य विभागाने कोरोनामधील मृत्यू मानले नाही. सोमवारी आरोग्य विभागाची टीम मातूरच्या गावी गेली. गावात एका गल्लीत एक बॅनर आहे, ज्यावर असे लिहिलेले आहे की येथे बाहेरील कोणालाही येऊ दिले जाणार नाही. येथे आतापर्यंत सॅनिटायजेशन झालेले नाही आणि कुणाला किटही मिळालेली नाही.

5. बाराबंकी : पॉझिटिव्हिटी रिपोर्ट आल्यावर कुणीही संपर्क करत नाही
बाराबंकीच्या देवा ब्लॉकमधील कुडालूपूर गावचे रामलाल सांगतात की आजपर्यंत त्यांच्या गावात कोणतीही सरकारी मदत आली नाही की वैद्यकीय पथकही आले नाही. त्याने स्वत: आईला ताप आणि खोकला आल्यावर बाराबंकीच्या सरकारी रुग्णालयात नेले आणि तिची चाचणी घेतली. तपास अहवाल पॉझिटिव्ह आल्यानंतर कुणीही त्यांच्याशी संपर्क साधला नाही. त्यांनी खासगी डॉक्टरांकडून उपचार घेतला. आजूबाजूच्या खेड्यांमध्येही कोणतीही टीम नव्हती. रामलाल म्हणतात की सरकार फक्त खोटे बोलत आहे. घरी औषधे आणि सुविधा मिळाल्या तर कोणी बाराबंकी किंवा लखनौला का जाईल?

6. गोंडा - शहरात कोरोना चाचणी घेण्यात येत आहे, त्यामुळे गावातील लोक जात नाहीत
गोंडाच्या रुपईडीह ब्लॉकमधील बनगाई गावचे ज्ञानेंद्र मिश्रा यांचे म्हणणे आहे की गेल्या 14 दिवसांत त्याच्या गावात 4 ते 5 मृत्यू झाले आहेत. गावात कसलीही तपासणी झालेली नाही, त्यामुळे मृत्यूचे कारण काय आहे हे समजू शकले नाही, परंतु खेड्यातील बहुतेक लोकांना ताप किंवा खोकल्याचा त्रास आहे. लोक स्थानिक डॉक्टरांकडून उपचार घेत आहेत. आजपर्यंत गावात मोबाइल व्हॅन आली नाही. आरोग्य विभागाची कोणतीही टीम आलेली नाही. अशा परिस्थितीत सरकारचा ट्रेसिंग आणि ट्रॅकिंगचा दावा खोटा आहे. गोंडा शहरात आरटी-पीसीआर चाचणी घेतली जात आहे, परंतु भीतीमुळे गावातील लोक तेथे जात नाहीत.

7. जौनपूर : पिलकिछा गावात एका महिन्यात जवळपास 25 लोकांचा मृत्यू
उत्तर प्रदेशमधील जौनपूरच्या पिलकीछा गावात एका महिन्यात जवळपास 25 जणांचा मृत्यू झाला आहे. यापैकी बहुतेक लोकांना सर्दी आणि श्वास घेण्यास त्रास होता. लोक म्हणतात की असे असूनही जिल्हा प्रशासनाने गावात स्वच्छतेचे काम केलेले नाही. मात्र, माध्यम कर्मचारी गावात आल्यानंतर घाईघाईने आशा कामगारांना पाठवून औषध किट वाटपाचे काम सुरू केले. गावात सतत होणाऱ्या मृत्यूमुळे लोकांमध्ये भीतीचे वातावरण आहे, भीतीमुळे लोकांनी एकमेकांच्या घरी येणे-जाणे बंद केले आहे.

पिलकिछा गावचे रहिवासी अभिषेक शर्मा याच्या घरात 3 जणांचा मृत्यू झाला आहे. अभिषेक सांगतात की गावात एका महिन्यात सुमारे 25 जणांचा मृत्यू झाला आहे, असे असूनही खुटहन सीएचसीची ओपीडी बंद आहे. अशा परिस्थितीत लोक घरगुती डॉक्टरांकडून उपचार घेत आहेत. गावात अद्याप प्रशासनाचा कोणताही अधिकारी आला नाही.

8. मधुरा : गावातील लोक घरगुरीत डॉक्टरांकडून करुन घेत आहेत उपचार
पंचायत निवडणुकीनंतर जिल्ह्यातील ग्रामीण भागातील परिस्थिती बिघडत चालली आहे. गोवर्धन ब्लॉकच्या आडिंग गावात रस्त्यावर शांतता आहे. दुकानांवर कुलूप आहेत. सुमारे 18 हजार लोकसंख्या असलेल्या या गावात 10,689 मतदार आहेत. नुकतीच प्रमुख बनलेली स्नेहलता रावत स्वत: आजारी आहे. ग्रामस्थांनी सांगितले की 10 दिवसात सुमारे 20 मृत्यू झाले आहेत, परंतु कोविड किंवा इतर आजारांनी झाले हे सांगता येत नाही. गावात असलेल्या रुग्णालयाच्या प्रत्येक पलंगावर रूग्ण आहेत.

जिल्हाधिकारी नवनीत चहल म्हणतात की खेड्यांमध्ये देखरेखीसाठी तहसील स्तरावर नियंत्रण केंद्रे सुरू केली गेली आहेत. खेड्यांमध्ये देखरेख समित्यांची स्थापना देखील करण्यात आली आहे. परंतु या देखरेख समित्यांचे आणि केंद्रांचे कर्मचारी कोठे दिसत नाहीत.

आरोग्यमंत्री म्हणाले - आता खेड्यांमधील परिस्थिती नियंत्रणात आहे
सरकारचे दावे आणि WHO च्या रिपोर्टवर आमच्या रिपोर्टरने उत्तर-प्रदेशचे आरोग्य मंत्री जय प्रताप सिंह यांच्यासोबत चर्चा केली. जय प्रताप यांनी सांगितले की, आता गावांमध्ये परिस्थिती नियंत्रणात आहे. आम्ही प्रत्येक गावात पोहोचत आहोत. हेल्पलाइनच्या माध्यमातून लोकांना कॉल करुन माहितीही दिली जात आहे. स्वच्छता आणि सॅनिटायजेशनचे कामही वेगाने सुरू आहे.

बातम्या आणखी आहेत...