आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Vande Bharat Train In West Bengal; Stone Pelting On Train | Narendra Modi Inaugurated | West Bengal

बंगालमध्ये वंदे भारत ट्रेनवर दगडफेक:गेट आणि खिडकीला तडे, पंतप्रधानांनी तीन दिवसांपूर्वीच दाखवला होता हिरवा झेंडा

एका महिन्यापूर्वी
  • कॉपी लिंक

पश्चिम बंगालमधील मालदा येथे सोमवारी रात्री वंदे भारत ट्रेनवर दगडफेक करण्यात आली. कुमारगंज रेल्वे स्थानकाजवळ ही घटना घडली. मिळालेल्या माहितीनुसार, रविवारी ही ट्रेन न्यू जलपाईगुडीहून निघाली. हावडा येथे येत असताना मालदा स्थानकाजवळ रेल्वेवर अज्ञातांनी दगडफेक सुरू केली. त्यामुळे कोच सी-13 च्या गेट आणि खिडकीचे नुकसान झाले. पश्चिम बंगालमधील विरोधी पक्षनेते आणि भाजप नेते शुभेंदू अधिकारी यांनी या घटनेची NIA चौकशी करण्याची मागणी केली आहे.

4 दिवसांपूर्वीच पंतप्रधान मोदींनी पश्चिम बंगालच्या पहिल्या वंदे भारत एक्सप्रेसला हिरवा झेंडा दाखवला होता. बंगालच्या मुख्यमंत्री ममता बॅनर्जीही यात सहभागी झाल्या होत्या. ममता कार्यक्रमाला पोहोचताच हावडा स्टेशनवर प्रचंड नाट्य घडले होते. ही घटना काही दिवसांनी उघडकीस आली.

भाजप नेत्याने टीएमसीवर केला आरोप
बंगाल भाजपने या घटनेवर तीव्र प्रतिक्रिया व्यक्त केली आहे. विरोधी पक्षनेत्यांनी याला टीएमसीचे कारस्थान म्हटले आहे. शुभेंदू अधिकारी यांनी ट्विट केले - ही घटना दुर्दैवी आहे. पश्चिम बंगालच्या मालदा जिल्ह्यात प्राइड ऑफ इंडिया वंदे भारत एक्सप्रेसवर दगडफेक करण्यात आली. उद्घाटनाच्या दिवशी ‘जय श्री राम’च्या घोषणांचा हा बदला आहे का? मी पंतप्रधान मोदी आणि रेल्वे मंत्रालयाकडे या प्रकरणाची एनआयए चौकशी करण्याची मागणी करतो.

वंदे भारतच्या उद्घाटनावेळी ममता मंचावर जात होत्या, तेव्हा गर्दीतून जय श्रीरामच्या घोषणा सुरू झाल्या. या गदारोळात ममता यांच्यासोबत रेल्वेमंत्री अश्विनी वैष्णव यांच्यासह चार केंद्रीय मंत्रीही उपस्थित होते. यावर ममता संतापल्या आणि त्यांनी मंचावर बसण्यास नकार दिला. यानंतर रेल्वेमंत्री आणि राज्यपाल सीव्ही आनंद बोस यांनी ममतांचं मन वळवण्याचा प्रयत्न केला, पण त्या मान्य झाल्या नाहीत. मात्र, नंतर ममता स्टेजसमोर प्रेक्षक गॅलरीत खुर्ची घेऊन बसल्या. नंतर भाषणही केले.

यापूर्वीही दगडफेकीच्या घटना
देशातील व्हीआयपी ट्रेन वंदे भारतवर दगडफेक होण्याची ही पहिलीच वेळ नाही. यापूर्वी 13 डिसेंबर रोजी नागपूर ते बिलासपूर दरम्यान धावणाऱ्या वंदे भारत एक्सप्रेसवर दगडफेक करण्यात आली होती. याशिवाय 2019 मध्ये यूपीच्या भदोहीमध्ये काही उपद्रवी घटकांनी दगडफेक करून दिल्लीहून वाराणसीला जाणाऱ्या ट्रेनच्या खिडकीच्या काचा फोडल्या होत्या. डिसेंबर 2019 मध्येच जेव्हा या ट्रेनची दिल्ली आणि आग्रा दरम्यान ट्रायल सुरू होती, तेव्हा त्यावर दगडफेक करण्यात आली होती.

बातम्या आणखी आहेत...