निशाना:वसुंधरा म्हणाल्या- माझी स्तुती म्हणजे गेहलोतांचे मोठे षडयंत्र, ते आमदारांच्या घोडेबाजारात मास्टर, मला सर्वाधिक अपमानित केले

राजकीय संकट काळात सरकार पाडण्यासाठी मदत न केल्याबद्दल माजी मुख्यमंत्री वसुंधरा राजे यांची मुख्यमंत्री अशोक गेहलोत यांनी स्तुती केली. त्यामुळे राजस्थानात नवीन वाद निर्माण झाला आहे. वसुंधराराजे यांनी गेहलोत यांच्यावर जोरदार निशाना साधला. त्या म्हणाल्या की, गेहलोतांनी माझी स्तुती करणे म्हणजे एक मोठे षडयंत्रच आहे.

रविवारी रात्री उशिरा वसुंधराराजे यांनी निवेदन जारी केले. त्यात म्हटले की, CM अशोक गेहलोत 2023 मध्ये पराभवाच्या भीतीने खोटे बोलत आहेत. त्यांनी गृहमंत्री अमित शहा यांच्यावर आरोप केला आहे, गेहलोतांची प्रामाणिकता आणि सचोटी सर्वांना सर्वश्रूत आहे.

राजे म्हणाले- मुख्यमंत्र्यांच्या वतीने माझे कौतुक करणे स्तुती करणे म्हणजेच त्यांनी माझ्याविरुद्ध केलेले मोठे कारस्थान आहे. गेहलोतांनी माझ्या आयुष्यात माझा जितका अपमान केला, तितका कोणीही माझा अपमान करू शकत नाही. 2023 च्या निवडणुकीतील ऐतिहासिक पराभव टाळण्यासाठी ते अशा खोट्या कथा रचू लागले आहेत. जे दुर्दैवी आहे. परंतू त्यांचे षडयंत्र त्यांच्या कामी पडणार नाही. त्यात त्यांना यश मिळणार नाही, एवढे मात्र सत्य असल्याचे राजे यांनी म्हटले.

आमदारांनी पैसे घेतले तर एफआयआर करा
वसुंधराराजे म्हणाल्या की, लाच घेणे आणि देणे हे दोन्ही गुन्हे आहेत. त्यांच्या आमदारांनी पैसे घेतले असतील तर एफआयआर नोंदवा. आपल्याच पक्षातील बंडखोरी आणि ढासळत चाललेला जनमानस यामुळे वैतागून त्यांनी असे संतापजनक आणि खोटे आरोप केले आहेत, असा घणाघात राजे यांनी केला.

दोन वेळा लेन-देण करून सरकार निर्माण केले
वसुंधरा राजे म्हणाल्या – आमदारांच्या घोडेबाजारावर प्रश्न आहे, खर तर त्याचे मास्टर अशोक गेहलोत हे स्वतः आहेत. 2008 आणि 2018 मध्ये ज्यांनी असे केले ते अल्पसंख्याक आहेत. त्यावेळी भाजप किंवा काँग्रेसला बहुमत मिळाले नव्हते. आम्हीही सरकार स्थापन करू शकलो असतो, पण ते भाजपच्या तत्त्वांच्या विरोधात होते. याउलट गेहलोत यांनी आपल्या व्यवहारातून आमदारांची रचना लावली आणि सरकार स्थापन केले.

गेहलोतांनी वसुंधराराजे यांचे केले होते कौतुक
गेहलोत यांनी रविवारी धौलपूरमधील राजखेडा येथे झालेल्या सभेत वसुंधरा राजे आणि कैलाश मेघवाल यांच्यासह भाजपच्या आमदार शोभाराणी कुशवाह यांचे कौतुक केले होते. शोभराणी यांनी आम्हाला पाठिंबा दिला तेव्हा भाजपचे लोक अडचणीत आल्याचे गेहलोत म्हणाले होते.

कैलाश मेघवाल आणि वसुंधरा राजे यांना माहित होते की, भैरोसिंग शेखावत मुख्यमंत्री आहेत, त्यावेळी त्यांच्या पक्षाचे लोक सरकार पाडत होते. कैलाश मेघवाल आणि वसुंधरा राजे म्हणाले होते की, पैशाच्या जोरावर निवडून आलेली सरकारे पाडण्याची आपल्याकडे कधीच परंपरा नाही, मग त्यांनी काय चूक केली? शोभाराणी कुशवाह यांनी वसुंधरा राजे आणि कैलाश मेघवाल यांचे म्हणणे ऐकून घेतले आणि त्यांच्या सद्सद्विवेकबुद्धीने सांगितले की, मीही अशा लोकांना पाठिंबा देऊ नये, मग मी काय चूक केली? त्यामुळे आमचे सरकार वाचले. गेहलोत म्हणाले की, माझ्यासोबत घडलेली घटना मी जीवनात कधीही विसरू शकत नाही.