आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Prime Minister Narendra Modi On National Education Policy (NEP 2020) LIVE Updates

हायर एज्यूकेशन कॉन्क्लेव्हमध्ये पंतप्रधान:नवे शैक्षणिक धोरण का आवश्यक, पंतप्रधान म्हणाले - वर्तमान आणि भविष्य घडवण्यासाठी हा महायज्ञ, हे धोरण 21 व्या शतकातील भारताचा पाया रचणार

एका महिन्यापूर्वी
  • कॉपी लिंक
  • पंतप्रधान मोदी म्हणाले 3-4 वर्षांच्या सल्ल्यांनंतर आणि कोट्यावधी सूचनांनंतर नवीन शिक्षण धोरण आखले

पंतप्रधान नरेंद्र मोदी आज उच्च शिक्षणावरील कॉन्क्लेव्हमध्ये संबोधित करत आहेत. ते म्हणाले की 3-4- वर्षांच्या व्यापक चर्चा आणि कोट्यावधी सूचनांनंतर शिक्षण धोरण मंजूर झाले आहे. वेगवेगळ्या क्षेत्रातील आणि विचारसरणीचे लोक आपली मते मांडत आहेत. हे एक हेल्दी डिबेट आहे. हे डिबेट जेवढे जास्त होईल तेवढा फायदा मिळेल. राष्ट्रीय शैक्षणिक धोरण लागू झाल्यानंतर देशातील कोणत्याही विभागातून कोणत्याही प्रकारच्या भेदभावाचा उल्लेख केलेला नाही. हे देखील असे सूचक आहे की कित्येक वर्षांपासून सुरू असलेल्या शिक्षणपद्धतीत लोकांना हवे ते बदल झाले आहेत.

मानव संसाधन विकास मंत्री रमेश पोखरियाल निशंक आणि अनेक विद्यापीठांचे कुलगुरूही या कार्यक्रमास उपस्थित होते. 'राष्ट्रीय शैक्षणिक धोरणांतर्गत उच्च शिक्षणात परिवर्तनात्मक सुधारणा' या विषयासह हा कार्यक्रम यूजीसी आणि मानव संसाधन विकास मंत्रालयाच्या सोशल मीडिया खात्यांवरून थेट प्रसारित केला गेला.

पंतप्रधानांचे मुख्य मुद्दे

बदलासाठी पॉलिटिकल व्हिल आवश्यक

एवढी मोठी सुधारणा प्रत्यक्षात कशी आणली जाईल, हा प्रश्न उपस्थित होणे स्वाभाविक आहे. हे आव्हान लक्षात घेता, व्यवस्था करण्यासाठी जिथे जिथे काही सुधारणा करण्याची आवश्यकता आहे, तेथे आपण सर्वांनी मिळून हे केले पाहिजे. आपण सर्वजण राष्ट्रीय शिक्षण धोरण राबविण्यात थेट सहभागी आहात. म्हणून तुमच्या सर्वांची भूमिका खूप महत्वाची आहे. जोपर्यंत राजकीय इच्छेचा प्रश्न आहे, मी पूर्णपणे वचनबद्ध आहे, तुमच्याबरोबर आहे.

राष्ट्रीय मूल्यांसह गोल्स ठरवण्यात आले

प्रत्येक देश आपली शिक्षण प्रणाली राष्ट्रीय मूल्यांशी जोडून, ​​राष्ट्रीय उद्दीष्टांनुसार सुधारणा करुन पुढे वाढवतो. जेणेकरुन देशातील शिक्षण व्यवस्था आपल्या वर्तमान आणि भविष्यातील पिढ्यांचे भविष्य तयार करते. हादेखील भारताच्या धोरणाचा आधार आहे. राष्ट्रीय शिक्षण धोरण 21 व्या शतकातील भारताचा पाया तयार करणार आहे.

नवीन धोरण कौशल्यांवर केंद्रित आहे

21 व्या शतकातील आपल्या तरुणांना आवश्यक असलेल्या कौशल्यांवर राष्ट्रीय शिक्षण धोरणाचे विशेष लक्ष आहे. भारत बळकट करण्यासाठी तसेच विकासाच्या नव्या उंचीवर नेण्यासाठी या शैक्षणिक धोरणात विशेष भर देण्यात आला आहे. जेव्हा भारतातील एखादा विद्यार्थी, नर्सरी किंवा कॉलेजमधील असला तरी बदलत्या काळाच्या आणि गरजांनुसार अभ्यास करेल तेव्हा त्याला राष्ट्र निर्मितीत विधायक भूमिका निभावता येईल.

आता नाविन्यपूर्ण विचार करण्यावर जोर

गेल्या कित्येक वर्षांत आपली शिक्षणपद्धती बदलली नाही, यामुळे समाजात कुतूहल व कल्पनेला महत्त्व देण्याऐवजी 'भेड चाल' (एक शेळी जिकडे गेली तिकडे सर्व शेळ्या जातात) प्रोत्साहन देण्यात आले. कधी डॉक्टर तर कधी अभियंता तर कधी वकील बनवण्यासाठी स्पर्धा सुरू झाली. यातून बाहेर पडणे आवश्यक होते. जर शिक्षणात पॅशन आणि परपज ऑफ एज्यूकेशन नसेल तर आपल्या तरुणांमध्ये क्रिटिकल आणि इनोव्हेटिव्ह थिंकिंग कशी विकसित होऊ शकते.

0