जगातील टॉप 100 प्रदूषित शहरांपैकी भारतातील 61 शहरे:पाकिस्तानचे लाहोर प्रथम क्रमांकावर, राजस्थानचे भिवडी तिसऱ्या क्रमांकावर

स्विस कंपनी IQ Air ने मंगळवारी आपला 2022 चा अहवाल प्रसिद्ध केला आहे. या अहवालानुसार भारत हा जगातील आठव्या क्रमांकाचा प्रदूषित देश ठरला आहे. याआधी हा पाचव्या क्रमांकाचा प्रदूषित देश होता. अहवालात पाकिस्तानचे लाहोर शहर पहिल्या क्रमांकावर, तर चीनचे होटन शहर दुसऱ्या क्रमांकावर आहे. त्यानंतर राजस्थानमधील भिवडी तिसऱ्या क्रमांकावर आणि दिल्ली चौथ्या क्रमांकावर आहे.

येथे पार्टिक्युलेट मॅटर (PM) पातळी 2.5 मायक्रोमीटर आहे, जी जागतिक आरोग्य संघटनेच्या मार्गदर्शक तत्त्वांपेक्षा 10 पट जास्त आहे. अहवालात जगातील टॉप 10 प्रदूषित शहरांपैकी 6 आणि टॉप 20 पैकी 14 शहरे भारतातील आहेत. त्याच वेळी, हा आकडा टॉप 50 मध्ये 39 आणि टॉप 100 मध्ये 61 आहे. दिल्ली आणि नवी दिल्ली हे दोन्ही शहर टॉप 10 मध्ये आहेत.

131 देशांचा अभ्यास अहवाल जाहीर
जगातील 131 देशांमध्ये सरकारकडून मिळालेल्या 30,000 जमिनीवर आधारित मॉनिटरिंग आणि डेटाचा अभ्यास केल्यानंतर कंपनीने हा अहवाल जारी केला आहे. त्यानुसार भारतातील 100 शहरांमध्ये जगातील 7 हजार 300 शहरांपेक्षा जास्त प्रदूषण आहे. 2.5 PM प्रदूषणापैकी 20 ते 35 टक्के प्रदूषण केवळ वाहतुकीमुळे होत आहे. त्याच वेळी उद्योग, कोळसा बर्निंग प्लांट्स आणि बायोमास प्लांट हे त्याचे इतर स्त्रोत आहेत.

2021 च्या अहवालात दिल्ली हे सर्वात प्रदूषित शहर होते. या वर्षीच्या अहवालात दिल्ली आणि नवी दिल्ली ही दोन भिन्न शहरे मानली गेली आहेत. दोघांचाही टॉप 10 मध्ये समावेश आहे.

गेल्या वर्षीच्या तुलनेत दिल्लीत 8 टक्के सुधारणा
गेल्या वर्षीच्या तुलनेत गुरुग्राममध्ये 34 टक्के, दिल्लीला लागून असलेल्या फरिदाबादमध्ये 21 टक्के सुधारणा झाली आहे. दुसरीकडे, दिल्लीत 8 टक्के सुधारणा झाली आहे. पण तरीही या शहरांमध्ये प्रदूषणाची पातळी अजूनही सामान्यपेक्षा जास्त आहे. या विषारी हवेचा लहान मुलांच्या फुप्फुसावर वाईट परिणाम होत आहे. त्यामुळे कर्करोग, दमा आणि मधुमेहाच्या रुग्णांना त्रास होत आहे.

आग्रामध्ये 55 टक्के सुधारणा
सर्वाधिक प्रदूषित शहरांमध्ये 10 शहरे उत्तर प्रदेशातील आणि 7 शहरे हरियाणातील आहेत. मात्र, उत्तर प्रदेशातील आग्रा शहरात 55 टक्क्यांपर्यंत सुधारणा झाली आहे. तर 38 शहरांमध्ये प्रदूषणात वाढ झाल्याचे आढळून आले आहे.