आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

यमनमध्ये भारतीय महिलेला मृत्यूदंड:निमिषाचा दिल्ली उच्च न्यायालयात अर्ज, म्हणाली - कुटुंबासोबत बोलण्याची सुविधा दिली जावी

नवी दिल्ली7 महिन्यांपूर्वी
  • कॉपी लिंक

यमन न्यायालयाने एका भारतीय महिलेला फाशीची शिक्षा सुनावली आहे. निमिषा प्रिया असे या महिलेचे नाव आहे. आता प्रियाने दिल्ली उच्च न्यायालयात याचिका दाखल करून केंद्राला निर्देश देण्याची मागणी केली आहे. या याचिकेत महिलेने पीडित व्यक्तीच्या कुटुंबाशी संवाद साधण्याची आणि यमन कायद्यानुसार हत्येची किंमत देऊन स्वतःला फाशीच्या शिक्षेपासून वाचवण्याची मागणी केली आहे. यमन न्यायालयाने प्रियाला हत्येप्रकरणी दोषी ठरवले आहे.

निमिषा प्रिया इंटरनॅशनल अॅक्शन कौन्सिल' या संस्थेच्या अध्यक्षांनी ही याचिका उच्च न्यायालयाचे वकील सुभाष चंद्रन केआर यांच्याकडे पाठवली. या संघटनेची स्थापना अनिवासी केरळी लोकांच्या एका गटाच्या वतीने करण्यात आली आहे, जे विविध देशांमध्ये आणि भारताच्या विविध भागात कार्यरत आहेत. ही संघटना निमिषाला न्याय मिळवून देण्यात मदत करेल. जर पीडितेच्या कुटुंबाने प्रियाला माफ केले तर ते तिच्यासाठी डोनेशनच्या माध्यमातून फंड जमा करण्यात मदत करेल.

7 मार्च 2022 रोजी यमन कोर्टाने प्रियाचा अर्ज फेटाळला होता
प्रियाने यमनचे गृह मंत्रालय आणि यमनमधील भारतीय दूतावासाचा दरवाजा ठोठावला आहे. 7 मार्च 2022 रोजी, यमन न्यायालयाने तलाल अब्दो महदीच्या हत्येसाठी 2017 मध्ये फाशीची शिक्षा सुनावलेल्या निमिषाचे अपील फेटाळले होते. प्रियाने महदीवर अत्याचार, शिवीगाळ आणि लैंगिक शोषण केल्याचा आरोप केला होता. तिचे पासपोर्ट जप्त करण्यात आले आणि तिला नशेचे इंजेक्शन देण्यात आले.

2017 मध्ये कुटुंबाने कोर्टाचा दरवाजा ठोठावला
ही घटना 2017 ची आहे. निमिषा प्रियाच्या कुटुंबाने मृत्यूदंडाविरोधात कोर्ट ऑफ अपीलचा दरवाजा ठोठावला होता. यमनची राजधानी सनामध्ये न्यायालयाने याचिकेवर सुनावणी केली. निमिशा प्रियाने एक महिला असणे आणि आपली वयस्कर आणि आणि सहा वर्षांच्या मुलाचा विचार करण्याच्या आधारावर शिक्षा कमी करण्याची याचिका दाखल केली होती.

लोअर कोर्टाचा निर्णय बदलला जाऊ शकत नाही
प्रियाकडे हा पर्याय आहे की, ती तेथील सुप्रीम कोर्ट किंवा सुप्रीम ज्यूडिशियल काउंसिलमध्ये अपील करु शकते. खरेतर यमनी कायदा व्यवस्थेअंतरर्गत निमिशा प्रियाला कोणताही दिलासा मिळण्याची शक्यता नाही. न्यायालयाने मृत्यू दंड रद्द करण्याचे तिचे सर्व तर्क फेटाळून लावले आहेत. अशा वेळी जेव्हा प्रिया मृत्यूची किंमत मोजण्याच सक्षम होईल तेव्हा ती या शिक्षेतून बाहेर येऊ शकते. तिला मृत व्यक्तीच्या कुटुंबियांची माफी मागावी लागेल आणि त्यांनी तिला माफ केले तर हे शक्य आहे.

बातम्या आणखी आहेत...