जातीवादाच्या आरोपावर योगींचे उत्तर:सपाने एक जिल्हा एक माफियाला दिला होता, आम्ही प्रॉडक्ट दिले!

उत्तर प्रदेशचे मुख्यमंत्री योगी आदित्यनाथांनी विधानसभेत अर्थसंकल्पावरील चर्चेत विरोधकांच्या आरोपांना उत्तर दिले. ते म्हणाले की, विरोधक जाती-जाती करत आहेत. प्रयागराजमध्ये हत्या झालेल्या उमेश पाल आणि गनर संदीप निषाद यांची जात नव्हती का? म्हणजे तुम्ही जातीचा ठेका घेतला आहे.

व्यावसायिक गुन्हेगारांना संरक्षण देऊन गरीब, मागासलेल्या व्यक्तीला मारून टाकायचे का? योगींनी अखिलेश यादव यांच्या वन डिस्ट्रिक्ट, वन प्रोडक्टवर केलेल्या प्रश्नावर म्हटले की, डिस्ट्रिक्ट वन प्रॉडक्टने एमएसएमईला नवे जीवन दिले. सपाच्या सरकारमध्ये ओडीओपीही देऊ शकले नाही. पण वन डिस्ट्रिक्ट वन मफिया नक्कीच दिला. प्रत्येक जिल्ह्यात गुन्हेगारांचा बोलबाला होता. मागील ५ वर्षांत कोणताही अतिरिक्त कर जनतेवर लावला नाही. पेट्रोल-डिझेल दर दुसऱ्या राज्यांच्या तुलनेत कमीच आहेत.