कंटेंट क्रिएसर्सच्या अडचणी वाढल्या:आता YouTube वरुन पैसे कमावणे होणार अवघड, कंपनीने बनवला नवा नियम

आता यूट्यूबवरुन पैसा कमावणे अवघड होणार आहे. कंपनी लवकरच नवीन पॉलिसी लागू करण्याची योजना आखत आहे. गूगलने ईमेलच्या माध्यमातून यूट्यूबर्सला सांगितले की, आतापासून यूट्यूब व्हिडिओवरुन होणाऱ्या कमाईवर यूएस टॅक्स द्यावा लागेल. मात्र हा नवा नियम अमेरिकेच्या बाहेर राहणाऱ्या कंटेंट क्रिएटर्ससाठी लागू होईल. अमेरिकन यूट्यूबर्सवर याचा कोणताही परिणाम होणार नाही. या टॅक्सची सुरुवात जून 2021 पासून होऊ शकते.

गूगलने आपल्या ऑफिशियल कम्यूनिकेशनमध्ये म्हटले की, गेल्या काही आठवड्यांमध्ये आम्ही तुम्हाला अ‍ॅडसेन्समध्ये टॅक्स भरण्याविषयी माहिती देखील विचारू जेणेकरून योग्य रक्कम कमी करता येईल. 31 मे 2021 पर्यंत आपली टॅक्स माहिती उपलब्ध नसल्यास, कंपनी आपल्या एकूण कमाईच्या 24% पर्यंत कपात करेल.

उदाहरणार्थ...
एखाद्या क्रिएटरने गेल्या महिन्यात यूट्यूबवरुन $1,000 (जवळपास 73 हजार रुपये) कमावले आणि या $1,000 च्या एकूण कमाईमधून चॅनलने $100 (जवळपास 7300 रुपये) अमेरिकन व्यूअर्स जनरेट केले आहे. तर तीन शक्यता असू शकतात...

1. जर क्रिएटरने टॅक्सची माहिती दिली नाही
कंपनीने ईमेलमध्ये सांगितल्या प्रमाणे, माहिती न दिल्यास जगभरातून झालेल्या एकूण कमाईमधून 24% पर्यंत कपात केली जाईल. म्हणजेच माहिती न दिल्यास $1,000 (जवळपास 73 हजार रुपये) च्या एकूण कमाईवर $240 (जवळपास 18 हजार रुपये) टॅक्स म्हणून कपात केले जातील.

2. क्रिएटर टॅक्सची माहिती देतो आणि संधी लाभाचा दावा करतो
या परिस्थितीमध्ये फायनल डिडक्शन $15 (जवळपास 1100 रुपये) असेल. कारण भारत आणि अमेरिकेमध्ये 'टॅक्स ट्रिटी रिलेशनशीप' आहे. ज्यामुळे अमेरिकन व्हूअर्समधून झालेल्या कमाईमध्ये टॅक्स रेट 15% पर्यंत कमी होतो.

3. क्रिएटरने जर टॅक्सची माहिती दिली आणि ट्रिटी लाभासाठी योग्य नाही
अशा परिस्थितीमध्ये फायनल डिडक्शन $30(जवळपास 2200 रुपये) असेल. कारण टॅक्स ट्रिटी (tax treaty) शिवाय टॅक्स रेट यू. एस. मधील दर्शकांकडून होणाऱ्या कमाईच्या 30% आहे.

कर केवळ अमेरिकन व्यूअर्सकडून झालेल्या कमाईवर लागेल
येथे यूजर्सला समजून घेण्याची गोष्ट अशी आहे की या पैशांमध्ये आपण जाहिरात आणि अमेरिकन वापरकर्त्यांद्वारे मिळवलेल्या भागाचा देखील समावेश असेल. या यादीमध्ये यूट्यूब प्रीमियम, सुपर चॅट, सुपर स्टिकर्स आणि चॅनेल सदस्यता देखील आहेत. कंपनीने असे म्हटले आहे की, जर आपण कर दस्तऐवजात संपूर्ण माहिती दिली तर अमेरिकेबाहेरील दर्शकांकडून मिळणाऱ्या कमाईवर तुमचा कर आकारला जाईल.