स्वतःसाठी...:कामाचा ताण आहे? मग हे करून पाहा, 2023 मध्ये बर्नआउट व टास्क पॅरालिसिसमुक्त व्हा

२०२०-२०२१ नंतर तुम्हाला अपेक्षित असलेले २०२२ हे शांततापूर्ण वर्ष नसेल, कारण यावर्षीही महामारीचा प्रादुर्भाव चालूच राहिला, युक्रेनमध्ये युद्ध सुरू झाले, नैसर्गिक आपत्ती आली आणि महागाईचा सामना करावा लागला. पण, त्याच वेळी २०२२ हे वर्ष काही नवीन गोष्टी शिकण्याचेही होते. यावर्षी आपण आपल्या जीवनातील तणावांना तोंड देण्याचे आणि मानसिकदृष्ट्या मजबूत बनण्याचे नवीन मार्ग शोधले आहेत. २०२३ मध्येही आपल्यासाठी उपयुक्त ठरू शकतील अशा काही टिप्स. * बर्नआउटच्या लक्षणांकडे लक्ष द्या : झोपेच्या त्रासापासून ते थकवा आणि डोकेदुखी, पोटदुखी, भूक न लागणे, ही सर्व चिन्हे आहेत, जी तुमचे शरीर तुम्हाला सांगण्याचा प्रयत्न करत आहे की तुम्ही बर्नआउटचे बळी आहात. हा एक आजार मानता येत नाही, परंतु आपण त्याकडे दुर्लक्ष करू शकत नाही. बबल बाथ करून आणि एक कप चहा प्यायल्याने ही समस्या सुटणार नाही.

*बर्नआउट, डिप्रेशनमध्ये फरक करायला शिका : दोन्हीची लक्षणे सारखीच आहेत; पण नैराश्यावर इलाज आहे, बर्नआउटवर नाही. यात कामाच्या दबावामुळे दडपल्यासारखे वाटते. ऊर्जा राहत नाही. हे डिप्रेशन नाही.

*जॉय वर्कआउट : मैफलीत नाचताना आनंदी होता का? किंवा आवडत्या क्रीडा संघाचा जयजयकार करताना? अशा वेळी जॉय वर्कआउट करा. आनंदी असताना आपण जे करतो ते पुन्हा पुन्हा केल्याने आपल्याला आनंद मिळतो.

*टास्क पॅरालिसिसपासून मुक्तता : आपल्याला खूप काम करायचे असते आणि टू-डू लिस्ट संपलेली दिसत नाही तेव्हा आपल्याला टास्क पॅरालिसिसचा त्रास होतो. कधी कधी सुरुवात कुठून करायची हे ठरवता येत नाही. यातही परफेक्शनिस्ट प्रकारच्या लोकांना अधिक समस्यांना सामोरे जावे लागते. काम पूर्ण करण्यासाठी ते पुढे ढकलत राहू नका. एखादे काम पूर्ण केल्यानंतर स्वतःला एखादे छोटेसे बक्षीस द्या.