जापानी शिपवर फसलेले 119 आणि चीनच्या वुहानमधून 76 भारतीय दिल्लीला आणले गेले

नवी दिल्ली : जापानच्या योकोहामा किनाऱ्यावर रोखल्या गेलेल्या जहाजात फसलेल्या 119 भारतीयांना आणि पाच परदेशी नागरिकांना गुरुवारी दिल्लीला आणले गेले. सोबतच चीनच्या वुहान शहरात गेलेले भारतीय वायुसेनेचे विमानदेखील परतले आहे. यामध्ये 76 भारतीय आणि 36 परदेशी नागरिक आणले गेले आहेत. दोन्ही विमानांतून आणल्या गेलेल्या भारतीयांना थर्मल स्क्रीनिंगनंतरच आयटीबीपीच्या छावला येथील ऑब्जर्वेशन सेंटरमध्ये ठेवले जाईल.  

जापानहून आणल्या गेलेल्या पाच परदेशी नागरिकांमध्ये श्रीलंका, नेपाळ, दक्षिण अफ्रीका आणि पेरूचे नागरिक सामील आहेत. भारत सरकारने लोकांना तेथून निघण्यास मदत करण्यासाठी जापान सरकारचे आभार मानले आहेत. 3 फेब्रुवारीपासूनच डायमंड प्रिंसेस शिप जापानच्या योकोहामा पोर्टवर रोखले गेले होते. यामध्ये 138 भारतीय फसलेले होते, ज्यातील 16 कोरोनाव्हायरसने संक्रमित आहेत. 

वायुसेनेचे विशेष विमान सी-17 ग्लोबमास्टर चीनहून गुरुवारी सकाळी 6.45 वाजता दिल्लीला पोहोचले. यातून परतलेल्या 112 लोकांना थर्मल स्क्रीनिंगनंतर आयटीबीपीच्या छावला येथील ऑब्जर्वेशन सेंटरमध्ये ठेवले जाईल. वुहानहुन परतलेल्या 36 परदेशी नागरिकांमध्ये बांग्लादेश, म्यानमार, मालदीव, चीन, दक्षिण अफ्रीका, अमेरिका आणि मेडागास्करचे नागरिक आहेत. 

बुधवारी हिंडन एअरबेसहून सेनेच्या विमानाने वुहानसाठी उड्डाण घेतले होते. विमानामध्ये 15 टन वैद्यकीय यंत्रे पाठवली गेली होती. यामध्ये मास्क, ग्लव्हज आणि इतर इमर्जन्सी वैद्यकीय उपकरणे होती. विमान 20 फेब्रुवारीलाच चीनला जाणार होते, पण क्लियरन्स मिळत नव्हते. स्वास्थ्य मात्रयायच्या एका अधिकाऱ्याने 25 फेब्रुवारीला या विमानासाठी चीनची परवानगी मिळाल्याची माहिती दिली. 

बुधवारी चीनमध्ये 443 नवी प्रकाराने समोर आली...  

चीनच्या स्वास्थ्य अधिकाऱ्यांनी सांगितले होते की, कोरोनाव्हायरसचे प्रमाण आता कमी होत आहे. बुधवारी देशात केवळ 433 नवे रुग्ण समोर आले. तर 29 लोकांच्या मृत्यूची नोंद झाली. हुबेईमध्येही 26 लोकांचा जीव गेला. चीनमध्ये आतापर्यंत 78,487 लोक संक्रमित झाल्याचींम माहिती आहे. तर 2744 लोकांचा मृत्यू झाला आहे. 

द. कोरियामध्ये आतापर्यंत 1595 प्रकरणे आली समोर.... 

दक्षिण कोरियामध्ये एका दिवसात संक्रमणाची 334 नवी प्रकाराने समोर येत आहेत. बुधवारी एक अमेरिकन सैनिकदेखील संक्रमित झाल्याचे कळाले होते. देशात आतापर्यंत 1595 लोक संक्रमित झाले आहेत आणि 13 लोकांचा मृत्यू झाला आहे. तसेच पाकिस्तान, जॉर्जिया, नॉर्वे, मॅसीडोनिया, ग्रीस आणि रोमानियामध्ये कोरोनो व्हायरस अढळल्याची बातमी समोर आली आहे.