ज्याला दरवर्षी बांधायची राखी, त्यानेच बहिणीच्या 7 वर्षीय मुलीवर एका दिवसात 2 वेळा केला रेप, आईने विचारताच चिमुरडी सांगितले- मामाने काय-काय केले तिच्यासोबत...

कांकेर/बिलासपूर - बुधवारी एका नराधमाने अवघ्या 7 वर्षांच्या चिमुरडीवर बलात्कार केला. आरोपीचे मुलीच्या घरी येणे-जाणे होते. मुलीची आई त्याला दरवर्षी राखी बांधायची. पीडित बालिकाही त्याला मामा-मामा म्हणून बोलायची. कुटुंबीयांच्या तक्रारीवरून पोलिसांनी गुन्हा दाखल करून आरोपी तरुणाला अटक केली आहे.

आईने मुलीला पाठवण्यास नकार दिला, पण तरुण जिद्द करून तिला घेऊन गेला...
गावातीलच 28 वर्षीय तितरा नेतामला मुलीची आई राखी बांधायची, यामुळे त्याचे नेहमी घरी येणे-जाणे होते. बुधवारी घटनेच्या दिवशी दुपारनंतर 4 वाजता तो तरुण मुलीच्या घरी पोहोचला. तिच्या आईला तो म्हणाला की, तो रेशन आणण्यासाठी जात आहे. तिथून भाचीला हेअर सलूनमध्ये कटिंगसाठी घेऊन जाईन. त्याच्या तोंडाला दारूचा वास येत होता, म्हणून मुलीच्या आईने त्याला मुलगी पाठवायला नकार दिला. परंतु आरोपी तरुणाने हट्ट करून मुलीला सोबत नेले. तो आधी मुलीला आपल्या घरी घेऊन गेला, तेथे त्याने मुलीवर रेप केला. मग थोड्या वेळाने मुलीला घरामागच्या नर्सरीत घेऊन गेला, तेथे दुसऱ्यांदा तिच्यावर रेप केला. यानंतर मुलीला सायकलवर बसवून सलूनमध्ये घेऊन गेला. तेथे मुलीचे केस कापल्यानंतर त्याने घर सोडले. घरी पोहोचल्यानंतर आईने विचारताच मुलीने आपबीती सांगितली. टीआय नरहरपूर मल्लिका बॅनर्जी म्हणाल्या- आरोपी तरुणाविरुद्ध गुन्हा दाखल करून अटक करण्यात आली आहे.