डेथ मिस्ट्री : पोस्ट मॉर्टम रिपोर्टनुसार ओम पुरींचा मृत्यू अनैसर्गिक, समोर आले मोबाईलचे सत्य

मुंबई - ओम पुरी यांच्या मृत्यू प्रकरणात आता त्यांच्या मोबाईलच्या मुद्द्यावरून विविध प्रश्न उपस्थित होत आहेत. ओम पुरी यांचा सापडत नसलेला फोन त्यांची दुसरी पत्नी नंदिताकडे सापडला आहे. आमच्या सुत्रांनी सांगितले की, पोलिसांनी जेव्हा तपासासाठी हा फोन मागितला तेव्हा नंदिता यांनी फोन देण्यास स्पष्ट नकार दिला. मात्र नंतर तिने तो फोन फॉरमॅट करून पोलिसांना तपासासाठी दिला. दरम्यान, ओम पुरींचा मृत्यू अनैसर्गिक कारणामुळे झालेला असल्याचे पोस्ट मॉर्टममध्ये समोर आल्याने या प्रकरणातील संभ्रम वाढला आहे. 

 

ओम पुरी यांच्या मृत्यूपासून त्यांचा फोन बेपत्ता होता. 6 जानेवारीच्या सकाळी पुरी त्यांच्या फ्लॅटवर मृतावस्थेत आढळले होते. पोस्ट मॉर्टम रिपोर्टनुसार त्यांच्या डोक्यात दीड इंचाची जखम झाली होती. संशयास्पद मृत्यूनंतर आता पोलिस या प्रकरणाची चौकशी करत आहेत. 

फोनचे अखेरचे लोकेशन होते वर्सोवामध्ये... 
- सुत्रांच्या माहितीनुसार ओम पुरी यांच्या मृत्यूनंतर त्यांचा मोबाईल कोणीही पाहिला नव्हता. 
- प्राथमिक तपासणीमध्ये पोलिसांनी जेव्हा नंदिता यांना मोबाईलबाबत विचारले तेव्हा, त्यांनीही फोन द्यायला नकार दिला होता. - पोलिसांनी मोबाईलचे लोकेशन ट्रेस करायला सुरुवात केली. त्यात अखेरचे लोकेशन वर्सोवामध्ये मिळाले होते. 
- नंदिता राहतात ते त्रिशूल अपार्टमेंटही वर्सोवामध्येच आहे. 
- पोलिसांनी दुसऱ्यांदा जेव्हा नंदिता यांना मोबाईलबाबत विचारले तेव्हा त्यांनी मोबाईल त्यांच्याकडेच असल्याचे सांगितले. 

 

 

(Pls Note- तुम्ही जर मोबाईलवर ही बातमी वाचत असाल तर फोटोच्या वरच्या बाजूला असलेल्या Whatsapp आणि Facebook च्या आयकॉनवर क्लिक करुन इतरांनाही सहज शेअर करा. तुम्ही जर लॅपटॉप, कॉम्प्युटरवर वाचत असाल तर URL म्हणजेच लिंक शेअर करा. धन्यवाद.)