आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

B'DAY : ही आहेत पूनम ढिल्लन यांची मुले, पतीपासून घेतलाय घटस्फोट

6 वर्षांपूर्वी
  • कॉपी लिंक
(मुलगी पलोमा आणि मुलगा अनमोल ठाकरियासोबत पूनम ढिल्लन)
मुंबईः बॉलिवूडच्या प्रसिद्ध अभिनेत्री पूनम ढिल्लन आज आपला 53 वा वाढदिवस साजरा करत आहेत. 18 एप्रिल 1962 रोजी कानपूरमध्ये जन्मलेल्या पूनम 1977 मध्ये फेमिना मिस इंडियाचा किताब जिंकून प्रसिद्धीझोतात आल्या होत्या. असे म्हटले जाते, की एका मॅगझिनमध्ये पूनम यांचे छायाचित्र बघून दिवंगत दिग्दर्शक-निर्माते यश चोप्रा यांनी त्यांना 'त्रिशुल' सिनेमाची ऑफर दिली होती. सुरुवातीला पूनम यांची ऑफर नाकारली होती, मात्र नंतर त्यांनी तो सिनेमा स्वीकारला होता. त्यांच्या या निर्णयाने त्यांचे आयुष्यच पालटून गेले. 'त्रिशुल' हा सिनेमा बॉक्स ऑफिसवर सुपरहिट ठरला होता.
राजेश खन्नांसोबत जमली जोडी...
'त्रिशुल' या सुपरहिट सिनेमाद्वारे अभिनयाचा श्रीगणेशा करणा-या पूनम यांची राजेश खन्नांसोबत ऑन स्क्रिन जोडी जमली होती. दोघांनी 'निशान' (1983), 'दर्द' (1991), 'आवाम' (1987), 'जय शिव शंकर' (1990), 'रेड रोज' (1980), 'जमाना' (1985) या सिनेमांमध्ये एकत्र काम करुन प्रेक्षकांची मने जिंकली होती.
लग्नानंतर सिनेसृष्टीपासून दुरावल्या...
1988मध्ये पूनम यांनी निर्माते अशोक ठाकरियासोबत लग्न केले. दोघांची भेट एका कॉमन फ्रेंडच्या माध्यमातून झाली होती. पूनम यांना पाहताच क्षणी अशोक त्यांच्या प्रेमात पडले होते. पूनमकडे आपल्या प्रेमाची कबुली दिल्यानंतर जोपर्यंत त्यांचा होकार आला नाही, तोपर्यंत दररोज ते त्यांना एक गुलाबाचे फूल पाठवत होते. अशोक यांच्यासोबत विवाहबद्ध झाल्यानंतर पूनम यांनी सिनेमात काम करणे कमी केले होते. पूनम-अशोक यांना एक मुलगा आणि एक मुलगी असून पलोमा हे मुलीचे तर अनमोल हे त्यांच्या मुलाचे नाव आहे. दुर्दैवाने त्यांचे लग्न फार काळ टिकू शकले नाही. 1997 मध्ये अशोक आणि पूनम यांचा घटस्फोट झाला. घटस्फोटानंतर दोन्ही मुलांची कस्टडी पूनम यांना मिळाली. पूनम यांचा मुलगा अनमोल 22 वर्षांचा असून यूएसमध्ये उच्चशिक्षण घेत आहे, तर मुलगी पलोमा 19 वर्षांची असून मुंबईतील जमनाबाई स्कूलमध्ये शिकत आहे.
'जुदाई' सिनेमाद्वारे केले कमबॅक...
1992 मध्ये रिलीज झालेल्या 'विरोधी' या सिनेमानंतर जवळजवळ पाच वर्षे पूनम यांनी इंडस्ट्रीपासून ब्रेक घेतला होता. 1997 मध्ये 'जुदाई' या सिनेमाद्वारे त्यांनी बॉलिवूडमध्ये कमबॅक केले. त्यानंतर त्यांनी छोट्या पडद्याकडे आपला मोर्चा वळवला. 'अंदाज', 'किटी पार्टी', 'बिग बॉस-3' या शोजमध्ये त्या झळकल्या. 2013-2014 या काळात त्या एक नई पहचान या मालिकेतही झळकल्या.
पुढील स्लाईड्समध्ये पाहा पूनम ढिल्लन यांची आपल्या कुटुंबीयांसोबतची निवडक छायाचित्रे...