एकेकाळी सिक्युरिटी गार्ड होता हा अॅक्टर, बालपणी लागले होते ड्रग्स-दारुचे व्यसन, आता 'गोल्ड'मध्ये खेळणार हॉकी

वयाच्या 16 व्या वर्षी अमित साध बेनेटन ग्रुपमध्ये सिक्युरिटी गार्ड होता.

अमितने  2010 मध्ये 'फूंक 2' या चित्रपटाद्वारे फिल्मी करिअरची सुरुवात केली.    

बॉलिवूड डेस्कः अभिनेता अक्षय कुमारच्या आगामी 'गोल्ड' या चित्रपटात अभिनेता अमित साध हॉकी प्लेअर रघुवीर प्रताप सिंह यांची भूमिका वठवत आहे. सलमान खानसोबत 'सुल्तान' या चित्रपटात स्क्रिन शेअर करणा-या अमितचे खासगी आयुष्य अनेक खाचखळग्यांनी भरले आहे. त्याची आर्थिक परिस्थिती एवढी बेताची होती, की उदरनिर्वाहासाठी त्याला लोकांच्या घरी भांडी घासण्याचे काम करावे लागले होते. एका मुलाखतीत अमितने स्वतःच्या आयुष्यातील संघर्षाविषयी  सांगितले होते. बालपणी ड्रग्स आणि दारुचे व्यसन जडल्याचेही त्याने सांगितले होते. अमितला 2013 मध्ये आलेल्या काय पो छे या चित्रपटातून यश मिळाले.

अभिनयासाठी सोडले होते 12 वी शिक्षण...
अमित साधने सांगितले, 'काई पो छे' या चित्रपटानंतर माझ्या हातात एकही काम नव्ह.े मी दोन वर्षे बेरोजगार होतो. त्याकाळात अनेक अडचणींचा सामना मला करावा लागला होता. माझ्याजवळ भाड्याचे पैसे देण्यासाठीही एक रुपयादेखील नव्हता.' 

- अमितने सांगितले, 'काम मिळत नसल्याने माझ्यावर झालेले कर्ज कसे फेडणार याची चिंता मला लागली होती. त्याकाळात बरंच कर्ज माझ्यावर झालं होतं. '  
- अमितने सांगितले, आयुष्यात मला बराच संघर्ष करावा लागला आहे. सात वर्षे एक चित्रपट मिळवण्यासाठी मी चपला झिजवल्या आहेत.

एका गोष्टीची वाटते कायम भीती...

अमित सांगतो,  पुर्वीसारखी परिस्थिती माझ्यावर ओढवू नये, याची सतत आजही मला भीती वाटते. माझे बालपण हलाखीत गेले. बालपणीच मला दारु आणि ड्रग्सचे व्यजन जडले होते. पण आज मी त्या वस्तूंना स्पर्शही करत नाही. आयुष्य ट्रॅकवर आणण्यासाठी मला अभिनयाची मोठी मदत झाली. अपयश आणि आयुष्यातील वाईट काळातून अभिनयाने मला बाहेर काढले आणि मी आज या स्थानी आहे.'

आगामी चित्रपट 'गोल्ड' :

अमितचा आगामी चित्रपट 'गोल्ड' हा आहे. या चित्रपटाची कहाणी भारतीय हॉकी प्लेअर टीमचे हेड कोच हबुल मुखर्जी यांच्यावर आधारित आहे.हबुल मुखर्जी यांनी 1948मध्ये लंडन ऑलंपिकमध्ये भारताला पहिल्यांदा स्वतंत्र देशाच्या रुपात पहिले गोल्ड मेडल मिळवून दिले होते. चित्रपटात ही भूमिका अभिनेता अक्षय कुमार साकारत आहे.