आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

तर यामुळे पिता बनू शकले नाही दिलीप कुमार, सायरा यांना सोडून केले होते दुसरे लग्न..

4 वर्षांपूर्वी
  • कॉपी लिंक
मुंबई - दिलीप कुमार-सायरा बानो ही जोडी बॉलिवूडमधील एक सर्वात रोमँटीक जोडी म्हणून ओळखली जाते. गेल्या 51 वर्षांपासून एकमेकांचा साथ निभावणारे हे दोघे सर्वानाच एक आदर्श जोडी वाटते. पण या जोडीलाही कधीतरी कुणाची नजर लागली होती आणि दिलीप यांनी सायरा बानो यांच्यापासून वेगळे राहून दुसरा निकाहही केला होता. पाहा नेमके काय घडले होत यांच्यात..
 
11 डिसेंबर 1922 ला पाकिस्तानच्या पेशावरमध्ये जन्मलेल्या दिलीप कुमार यांनी वयाने 22 वर्षे लहान असलेल्या सायरा बानो यांच्यासोबत निकाह रचला. सायरा बानो यांच्यासोबत 16 वर्षे घालवल्यानंतर त्यांनी जेव्हा पाकिस्तानच्या आसमा रेहमान यांच्याशी दुसऱ्यांदा निकाह करुन खळबळ उडवून दिली होती. सायरा बानो आई होऊ शकत नाही, म्हणून त्यांनी दुसरे लग्न केले अशी चर्चा त्यावेळी होती.
 
यामुळे करावे लागले दुसरे लग्न..
 
आसमा आणि दिलीप कुमार यांचे अफेयर दीर्घ काळ चालले असे सांगितले जाते. एकदा तर त्या दोघांना सायरा बानो यांनी स्वतः पकडले होते असे म्हटले जाते. मात्र दिलीप कुमार यांनी नंतर ते फेटाळून लावले. लोकांच्या प्रश्नांना घाबरून दिलीप कुमार यांनी घराबाहेर निघणेही बंद केले होते, अशाही चर्चा होत्या. आसमा आणि दिलीप कुमार यांची भेट हैदराबादेत एका क्रिकेट मॅचदरम्यान झाली होती. 1980 मध्ये त्या दोघांनी लग्न केले आणि 1982 मध्ये त्यांचा घटस्फोट झाला. पण 
आसमा धोका देत असल्याने दिलीप कुमार यांनी तिला तलाक दिला आणि पुन्हा सायरा बानो यांच्याकडे परतले.
 
यामुळे बनू शकले नाहीत पिता..

दिलीप कुमार आणि सायरा बानो यांना मूलबाळ नाही, हे सर्वांनाच माहिती आहे. पण फार कमी लोकांना त्यामागचे कारण माहिती आहे. दिलीप कुमार यांनी त्यांचे 
आत्मचरित्र 'द सबस्टान्स अँड द शॅडो' मध्ये याबाबत लिहिले आहे. पुस्तकात दिलीप कुमार यांनी म्हटले आहे की, 1972 मध्ये सायरा सर्वात आधी प्रेग्नंट होत्या. त्यावेळी त्यांच्या गर्भात मुलगा होता, हे आम्हाला नंतर समजले. 8 महिन्यांच्या गर्भवती असलेल्या सायरा यांना रक्तदाबाचा त्रास झाला. त्यावेळी गर्भाची वाढ जवळपास पूर्ण झाली होती. पण बाळाला वाचवण्यासाठी सर्जरी करणे शक्य नव्हते. त्यामुळे श्वास कोंडून बाळाचा मृत्यू झाला. या घटनेनंतर सायरा बानो कधीही आई बनू शकल्या नाहीत. जेव्हा मीडियात याबाबतची चर्चा सुरू झाली तेव्हा बाळासाठी दिलीप कुमार यांनी असे पाऊल उचलले, अशा बातम्या समोर येत होत्या. पण खरे कारण नंतर दिलीप कुमार यांनी आत्मचरित्रात सांगितले.
 
1966 मध्ये केला होता सायराबरोबर विवाह

दिलीप कुमार आणि सायरा बानो यांचे लग्न 11 ऑक्टोबर 1966 ला झाले होते. सायरा दिलीप यांच्यापेक्षा 22 वर्षांनी लहान होत्या. सायरा बानो वयाच्या 8 व्या वर्षापासून दिलीप कुमार यांच्याशी लग्नाचे स्वप्न पाहत होत्या, असे समोर आलेले आहे. 1952 मध्ये रिलीज झालेला 'दाग' चित्रपट पाहिल्यानंतर त्या त्यांच्यावर फिदा झाल्या होत्या.
 
गेल्या 50 वर्षांपासून दिलीपकुमार आणि सायरा बानो एकमेकांची साथ देत आहेत...पुढील स्लाइड्सवर पाहा या दोघांचे PHOTOS..
 
(Pls Note- तुम्ही जर मोबाईलवर ही बातमी वाचत असाल तर फोटोच्या वरच्या बाजूला असलेल्या Whatsapp आणि Facebook च्या आयकॉनवर क्लिक करुन इतरांनाही सहज शेअर करा. तुम्ही जर लॅपटॉप, कॉम्प्युटरवर वाचत असाल तर URL म्हणजेच लिंक शेअर करा. धन्यवाद.)
बातम्या आणखी आहेत...