आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

...म्हणून स्वित्झर्लंडला रवाना झाले सचिन पिळगावकर-अभिनय बेर्डे, ट्वीट करुन सांगितले

3 वर्षांपूर्वी
  • कॉपी लिंक

आपल्या साठाव्या वाढदिवशी आपल्या चाहत्यांना नवा सिनेमा भेट देण्याचं आश्वासन देणाऱ्या सचिन पिळगांवकरांच्या "अशी ही आशिकी"चं शूटिंग शेवटच्या टप्प्यात पोहोचलं असून या चित्रपटाची दोन गाणी आणि काही भाग शूट करण्यासाठी या सिनेमातील मंडळी थेट स्वित्झर्लंडला रवाना झाली आहे. स्वित्झर्लंडच्या नयनरम्य वातावरणात आपल्या मराठी सिनेमाचं शूटिंग करणारे सचिन पिळगांवकर हे पहिले दिग्दर्शक आहेत. नावातच आशिकी असणाऱ्या या सिनेमातून यंग आणि फ्रेश लव्हस्टोरी समोर येणार असून अभिनय बेर्डे या आशिकीचे रंग प्रेक्षकांसमोर सादर करणार आहे.  या चित्रपटातून हेमल इंगळे ही नवोदित अभिनेत्री चित्रपटसृष्टीत पदार्पण करत आहे.

 

सचिन पिळगांवकर यांनी आपल्या सोशल मीडियावरून अभिनयसोबतचा सेल्फी शेअर करत "अशी ही आशिकी" च्या शूटिंग दरम्यान अभिनय चा एकंदर वावर लक्ष्याबरोबर घालवलेले ते "अशी ही बनवाबनवी" चे दिवस ताजे करून गेल्याचं म्हटलं आहे. हा चित्रपट यावर्षी 14 डिसेंबर रोजी प्रदर्शित होणार असून या निमित्ताने सरत्या वर्षात प्रेमाची नव्याने उजळणी होणार आहे.

 

या चित्रपटाचं वैशिष्ट्य म्हणजे अभिनेता, लेखक, दिग्दर्शक, गायक, निर्माता अशा विविध भूमिकांमध्ये दिसलेले सचिन पिळगांवकर आता आपल्याला संगीत दिग्दर्शकाच्या ही भूमिकेत दिसणार आहेत. दिग्दर्शनातील अनोख्या शैलीने गेली कित्येक वर्ष मराठी रसिक प्रेक्षकांचं मनोरंजन करणारे सचिन पिळगांवकर या चित्रपटाच्यानिमित्ताने तब्बल पाच वर्षांनी पुन्हा एकदा दिग्दर्शक म्हणून आपल्या समोर येत आहेत. तर या चित्रपटाच्या दिग्दर्शन आणि संगीत दिग्दर्शनाबरकोबरच कथा-पटकथा-संवाद ही सचिनजींचेच आहेत.

 

पुढील स्लाईडवर वाचा, सचिन पिळगावकर यांचे ट्वीट आणि तिस-या स्लाईड्पासून बघा, अशी ही आशिकीच्या टीमचे निवडक फोटोज.. 

बातम्या आणखी आहेत...